मुंबई : विधानपरिषदेत असंविधानिक भाषा (शिवीगाळ)केल्याप्रकरणी विधान परिषदेचे विरोधी पक्षनेते अंबादास दानवे यांचं विधान परिषदेच्या उपसभापती डॉ. निलम गोऱ्हे यांनी निलंबन केलं होतं. परंतु दानवे या कारवाईचा फेरविचार करावा, अशी मागणी दानवे यांनी पत्राद्वारे उपसभापती गोऱ्हे यांच्याकडे केली होती. त्यावर विचार केल्यानंतर अखेर उपसभापती डॉ, निलम गोऱ्ये यांनी दानवे यांच्या निलंबनाचा कालावधी पाच दिवसांचा होता तो आता 3 दिवसांचा केला आहे. उद्यापासून दानवे सभागृहाच्या कामकाजात सहभागी होऊ शकणार आहेत. दानवे यांच्यावर पाच दिवसांच्या निलंबनाची कारवाई करण्यात आली होती.

प्रकरण ताणायचे नाही : प्रसाद लाड

यावर प्रकरणावर बोलताना भाजप आमदार प्रसाद लाड म्हणाले, कि हे प्रकरण मला काही जास्त ताणायचं नाही. या प्रकरणी शिवसेना पक्षप्रमुख उद्धव ठाकरे यांनीही दिलगीरी व्यक्त केली आहे. तसंच, दानवे यांनीही पत्र पाठवून उपसभापतींकडे याबद्दल विनंती केली. त्यावर माझ्याशी उपमुख्यमंत्री देवेंद्र फडणवीस बोलले आहेत. त्यामुळे या प्रकणात मला काही जास्त पुढे जायच नाही. सरकार जो निर्णय घेईल तो मला मान्य असेल असही आमदार लाड म्हणाले.