पुणे : शिवसेनाप्रमुख बाळासाहेब ठाकरे हे आपल्या स्पष्टवक्तेपणासाठी प्रसिद्ध होते. त्यांनी केलेली अनेक भाषणे महाराष्ट्रात गाजली. यावेळी मात्र स्व. बाळासाहेब ठाकरे यांचे भाषणातील केवळ १९ सेकंदांची क्लिप थेट गुजरातमधून व्हायरल झाली आहे.
भारतीय क्रिकेट संघाचा खेळाडू रवींद्र जडेजा यांची पत्नी रिवाबा जडेजा या गुजरातच्या जामनगर उत्तर मतदारसंघातून भाजपाच्या उमेदवार आहेत. आज गुजरात विधानसभा निवडणुकीचा पहिला टप्प्यातील मतदानाला सुरुवात झाली. मतदानाला जाण्याआधी क्रिकेटपटू रवींद्र जडेजाने हा १९ सेकंदांचा स्व. बाळासाहेब ठाकरे यांचा व्हिडीओ पोस्ट केला आहे.
Abhi bhi time hai samaj jao gujaratiyo???????? #respect #balasahebthackeray pic.twitter.com/bwjO3Jj7iq
— Ravindrasinh jadeja (@imjadeja) November 30, 2022
‘मोदी गया, तो गुजरात गया, ये मैने आडवाणीजी से भी कहा है’ असे स्व. बाळासाहेब ठाकरे यांनी आपल्या भाषणात म्हटले होते. तो व्हिडीओ रवींद्र जडेजाने पोस्ट करताना ‘अभी भी समय है, समझ जाओ गुजरातियों,’ अशी कॅप्शन दिली आहे.
साधारण ३० वर्ष भारतीय जनता पक्षाची आणि शिवसेनीची युती होती. त्यावेळी अनेक भाजप नेते थेट स्व. बाळासाहेब ठाकरे यांच्याशी अनेक विषयांवर सल्लामसलत करत असत. स्व. बाळासाहेब ठाकरे गुजरात दंगलीनंतर पंतप्रधान नरेंद्र मोदी यांच्या पाठीशी खंबीरपणे उभे राहिले होते.
