झारखंड: झारखंडमध्ये एक विचित्र (Viral News) आणि धक्कादायक घटना समोर आली आहे. झारखंडमधील गिरिडीह जिल्ह्यात एका जावयाने रागाच्या भरात थेट आपल्या (UP News) सासऱ्याच्या घरावर बुलडोझर (Jharkhand News) चालवल्याचा प्रकार घडला आहे. पत्नी वारंवार माहेरी जात असल्याने वैतागलेल्या नवऱ्याने हा टोकाचा निर्णय घेतल्याची माहिती समोर आली आहे. (Latest Marathi News)
मिळालेल्या माहितीनुसार, पत्नी सतत माहेरी राहत असल्याचा राग मनात धरून संबंधित व्यक्तीने बुलडोझर आणला आणि सासऱ्याच्या घराच्या कंपाउंडची भिंत पाडली. अचानक घडलेल्या या घटनेमुळे परिसरात एकच खळबळ उडाली. बुलडोझरने भिंत पाडतानाचा संपूर्ण प्रकार परिसरातील नागरिकांनी मोबाईलमध्ये चित्रीत केला असून हा व्हिडिओ सध्या सोशल मीडियावर मोठ्या प्रमाणात व्हायरल होत आहे.
या घटनेचा व्हिडिओ व्हायरल झाल्यानंतर सर्वत्र चर्चेला उधाण आलं आहे. घरगुती वाद इतक्या टोकाला जाऊ शकतो, यामुळे अनेकांनी आश्चर्य व्यक्त केलं आहे. सध्या या प्रकरणी स्थानिक प्रशासन आणि पोलिसांकडून माहिती घेतली जात असून पुढील कारवाई होण्याची शक्यता आहे. या घटनेमुळे गिरिडीह जिल्ह्यात एकच खळबळ उडाली आहे.
