Uttar Pradesh Crime : उत्तर प्रदेशमधून एक धक्कदायक बातमी समोर आली आहे. येथे 14 वर्षीय मुलाने 40 वर्षाच्या महिलेवर लैंगिक अत्याचार करण्याचा प्रयत्न केला. तेंव्हा महिलेने नकार दर्शवला. यानंतर अल्पवयीन मुलाने महिलेची निर्घृण हत्या केल्याची भयंकर घटना घडली आहे. या घटनेने परिसरात एकच खळबळ उडाली आहे. याप्रकरणी पोलिसांनी मुलाला ताब्यात घेतले असून त्याला बाल सुधार गृहात पाठवण्यात आले आहे.
समोर आलेल्या माहितीनुसार, हमीरपूरममध्ये ही महिला शेतात गवत कापण्याचं काम करत होती. तेंव्हा तिच्याच गावातला 14 वर्षीय मुलागा तिच्यावर वाईट नजर ठेऊन होता. तेथे आजूबाजूला निर्वात जागा असल्याने, कोणीही नसल्याचे पाहून तिच्यावर लैंगिक अत्याचार करण्याचा प्रयत्न केला. यावेळी महिलेने विरोध दर्शवला असता संतापलेल्या मुलाने तिच्यावर विळा घेऊन हल्ला केला. या हल्ल्यात महिला गंभीर जखमी झाली.
दरम्यान, काही वेळानंतर गावकऱ्यांना पीडित महिला शेतात रक्ताच्या थारोळ्यात पडलेली दिसून आली. त्यांनी महिलेला तातडीने जवळच्या रुग्णालयात दाखल केले. मात्र बुधवारी रात्री उपचारादरम्यान महिलेचा मृत्यू झाला.
पोलिसांनी तपास करीत काही तासात आरोपीचा शोध घेतला. आरोपीला ताब्यात घेण्यात आले आहे. पोलीस या घटनेचा अधिक तपास करत आहेत. तसेच अल्पवयीन आरोपी मुलीची अधिक चौकशी केली जात आहे.
