आसाममधून एक भीषण अपघाताची माहिती समोर येत आहे. आसाममधील गोलाघाट जिल्ह्यात प्रवासी बस आणि ट्रक यांच्यात झालेल्या भीषण अपघातात 12 जणांचा मृत्यू झाला आहे. तर 25 जण गंभीर जखमी झाल्याची प्राथमिक माहिती आहे. जखमींमधील अनेकाची स्थिती चिंताजनक आहे. अपघाताची माहिती मिळताच पोलीस आणि बचाव पथक घटनास्थळी दाखल झाले आहे.
मिळालेल्या माहितीनुसार गोलाघाट जिल्ह्यातील देरगाव परिसरात हा अपघात झाला आहे. बसमध्ये 45 जण प्रवास करत होते. सर्वजण पिकनिकसाठी निघाले होते. मात्र पहाटे 5 वाजेच्या सुमारास समोरुन येणाऱ्या ट्रक आणि बसची जोरदार धडक झाली. या धडकेत बारा जणांचा मृत्यू झाला आहे. तर पंचवीस जण गंभीर जखमी झाले आहेत.
सर्व जखमींना जोरहाट मेडिकल कॉलेजमध्ये उपचारासाठी दाखल करण्यात आले आहे. अपघातात प्राण गमावलेल्या 12 प्रवाशांचे मृतदेह बाहेर काढण्यात आले असून ते शवविच्छेदनासाठी पाठवण्यात आले आहेत. पोलिसांनी या प्रकरणाचा तपास सुरू केला आहे.
Assam | Several people feared dead and many others were injured after the bus in which they were travelling collided with a truck near the Dergaon area in Assam’s Golaghat district, today: Golaghat District Police
— ANI (@ANI) January 3, 2024
