बिहार : बिहारमधून एक अतिशय संतापजनक घटना समोर येत आहे. एका मध्यमवयीन व्यक्तीनं पाच वर्षांच्या मुलीवर बलात्कार केल्याची घटना उघडझाली आहे. ही घटना उघडकीस येताच मुलीच्या वडिलांनी पोलिसांत तक्रार दाखल केली असून पोलीस सध्या या घटनेचा सखोल तपास करत आहे. आरोपी फरार झाला असून, पोलीस त्याचा शोध घेण्यासाठी छापे टाकत आहेत.
मिळालेल्या माहितीनुसार, बिहारमध्ये लहान मुलीसोबत दृष्कृत्य झाल्याचं समोर आलं आहे. रोहतास जिल्ह्यातल्या करगहरमध्ये एका मध्यमवयीन व्यक्तीनं पाच वर्षांच्या मुलीवर बलात्कार केला आहे. घटनेत मुलगी गंभीर जखमी झाली असून तिच्या गुप्तांगाला इजा झालीय आहे. मुलीच्या वडिलांनी दिलेल्या तक्रारीच्या आधारे पोलिसांनी गुन्हा दाखल केला आहे. पोलीस तपास करत आहेत. आरोपी अद्याप फरार आहे. पोलिसांनी पीडित मुलीची सासाराम सदर रुग्णालयात वैद्यकीय तपासणी करून घेतली आहे.
मानवतेला काळिमा फासणाऱ्या या घटनेमुळे परिसरात खळबळ उडाली आहे. महिला सहायता केंद्राच्या प्रभारी जय भारती यांनी सांगितलं, की ‘प्रकरणाचं गांभीर्य लक्षात घेऊन तपास सुरू आहे. आरोपीला शोधण्यासाठी छापे टाकले जात आहेत.’ मिळालेल्या माहितीनुसार, करगहर पोलीस स्टेशनच्या हद्दीतल्या एका गावात ही घटना घडली. पीडित मुलगी सोमवारी अंगणवाडीतून घरी परतली. तिच्या कुटुंबातले इतर लोक मजुरी करण्यासाठी गेले होते. घरात तिची मोठी बहीण होती. जेवण केल्यानंतर ही मुलगी इतर मुलांसोबत खेळण्यासाठी घराबाहेर पडली.
चॉकलेट देण्याच्या बहाण्याने घरी नेले..
45 वर्षांच्या एका व्यक्तीने दुपारी तीन वाजण्याच्या सुमारास मुलीचा हात पकडून तिला चॉकलेट देण्याच्या बहाण्याने त्याच्या घरी नेले. त्यानंतर आरोपीनं मुलीवर बलात्कार केला. रक्तबंबाळ अवस्थेत आरडाओरडा करत ही मुलगी घराकडे धावत गेली. कुटुंबातल्या व्यक्ती तिला उपचारासाठी एका खासगी रुग्णालयात घेऊन गेल्या. प्राथमिक उपचार केल्यावर मुलीच्या वडिलांनी पोलीस स्टेशनमध्ये जाऊन तक्रार दाखल केली. पोलीस सध्या या प्रकरणाचा सखोल तपास करत आहेत तसेच फरार आरोपीचा शोध सुरू आहे.
