पुणे : आठवड्याच्या सुरुवातीलाच (Gold Price Today) देशातील सराफा बाजारातून ग्राहकांसाठी महत्त्वाची बातमी समोर आली आहे. सोमवार, 5 ऑक्टोबर रोजी सोन्याच्या 24 कॅरेट आणि 22 कॅरेट या दोन्ही प्रकारांच्या दरात घट झाली. त्याचबरोबर चांदीच्या किमतीतही घसरण नोंदवण्यात आली आहे.
मुंबई, पुणे आणि कोलकाता येथे 24 कॅरेट सोन्याचा दर 1,49,170 रुपये प्रति 10 ग्रॅम, तर 22 कॅरेट सोन्याचा भाव 1,36,740 रुपये आहे. दिल्लीमध्ये 24 कॅरेट सोन्यासाठी 1,49,320 रुपये, तर 22 कॅरेटसाठी 1,36,890 रुपये प्रति 10 ग्रॅम दर नोंदवला गेला. चेन्नई आणि बंगळुरूमध्ये 24 कॅरेट सोन्याचा भाव 1,49,170 रुपये असून 22 कॅरेट सोन्याचा दर 1,36,740 रुपये आहे.
गेल्या आठवड्यातही सोन्याच्या किमतीवर दबाव दिसून आला होता. विविध शहरांमध्ये 24 कॅरेट सोने सुमारे 3,500 रुपयांनी, तर 22 कॅरेट सोने 3,200 रुपयांपर्यंत स्वस्त झाले होते. सलग काही दिवस दर घसरल्यानंतर सोन्याच्या किमतीत पुन्हा वाढ झाली होती. आंतरराष्ट्रीय बाजारातील घडामोडींचाही देशांतर्गत दरांवर परिणाम होत आहे.
दरम्यान, चांदीचा भावही कमी झाला आहे. 5 ऑक्टोबरच्या सकाळी चांदी 2,34,900 रुपये प्रति किलोवर आली. मागील आठवड्यात चांदीच्या दरात तब्बल 10,000 रुपयांची घट झाली होती.
