बंगळुरु: कर्नाटकच्या हासन लोकसभा मतदारसंघाचा माजी खासदार प्रज्ज्वल रेवण्णाला बलात्कार आणि लैंगिक अत्याचार प्रकरणाशी संबंधित एक मोठी बातमी समोर आली आहे. नुकत्याच झालेल्या न्यायालयीन सुनावणीदरम्यान रेवण्णाकडे वाहन चालक म्हणून काम केलेल्या व्यक्तीने न्यायालयात या प्रकरणी साक्ष दिली आहे. यात त्याने प्रज्ज्वल रेवण्णाच्या मोबाइलमध्ये जवळपास २००० अश्लिल फोटो आणि ३० ते ४० वेगवेगळ्या महिलांशी लैंगिक संबंध असल्याचे ४० ते ५० व्हिडीओ असल्याचे सांगितले.
मिळालेल्या माहितीनुसार, रेवण्णाचा वाहनचालक म्हणू काम केलेल्या कार्तिक एन. (वय ३४ वर्ष) हा या प्रकरणात महत्त्वाचा साक्षीदार असून त्यानेच हे प्रकरण
उघडकीस आणले होते. त्यावेळी रेवण्णाचे अश्लिल व्हिडीओ सार्वजनिक केल्याबद्दल कार्तिकवर देखील गुन्हा दाखल करण्यात आला होता. सोमवारी (दि. २६ मे) विशेष न्यायालयात या प्रकरणी झाली. त्यावेळी कार्तिकने न्यायालयात सांगितले की, कार्तिकने एकदा प्रज्ज्वल रेवण्णाचा मोबाइल चोरून पाहिला होता. त्यात या प्रकाराचा उलगडा झाला.
दरम्यान, प्रज्ज्वल रेवण्णा त्याचा मोबाईल अधूनमधून लपून पाहात असायचा. तो नेमकं काय पहायचा याची मला उत्सुकता होती. २०१९ मध्ये बंगळुरूत होतो तेंव्हा प्रज्ज्वल रेवण्णा त्याच्या प्रेयसीच्या घरी गेला होता. तेंव्हा तो त्याचा मोबाईल गाडीतच विसरून गेला होता. त्यावेळी मी चोरून त्याचा मोबाईल पहिला रेवण्णाच्या मोबाइलमध्ये महिलांचे लैंगिक शोषण केल्याचे फोटो आणि व्हिडीओ मला दिसले. या व्हिडीओ आणि फोटोतील अनेक महिला या जेडीएस पक्षाच्या कार्यकर्त्या आणि घरातील मदतनीस असल्याचं मला दिसून आलं. हा सर्व प्रकार त्याच्या आईला दाखवल्याचा दावाही वाहनचालक कार्तिकने केला आहे.
