Delhi Breaking News : राजधानी दिल्लीमधून मोठी दुर्घटना घडल्याच वृत्त समोर येत आहे. नवी दिल्लीमधील जवाहरलाल नेहरू स्टेडियम गेट क्रमांक २ मधून प्रवेश करताना मंडप कोसळल्याची घटना घडली आहे. या मंडपाखाली अनेक नागरिक अडकल्याची भीती व्यक्त करण्यात येत आहे.
जवाहरलाल नेहरू स्टेडियमच्या गेट क्रमांक 2 जवळ ज्या लॉनचे काम सुरू होते त्याचा एक भाग कोसळला आहे. घटनास्थळी अग्निशमन दलाच्या गाड्या दाखल झाल्या असून अडकलेल्या लोकांना बाहेर काढण्याचं काम सुरू आहे. आत्तापर्यंत या दुर्घटनेत ८ जण जखमी झाल्याचे सांगण्यात येत आहे.
याबाबत मिळालेली अधिक माहितीनुसार, जवाहरलाल नेहरू स्टेडियमच्या गेट क्रमांक २ जवळ लॉनचे काम सुरू होते. त्याचाच एक भाग कोसळून दुर्घटना घडल्याची माहिती आहे. पोलीस आणि अग्निशमन दल घटनास्थळी दाखल झाले आहेत. या दुर्घटनेत आत्तापर्यंत ८ जण जखमी झाले असून त्यांना रुग्णालयात दाखल करण्यात आले आहे.
तसंच बचावकार्य सुरु असल्याची माहिती पोलिसांनी दिली. प्रत्यक्षदर्शीने सांगितलं की, जवाहरलाल नेहरू स्टेडियममध्ये मंडपाचं काम सुरू होतं. यावेळी काही मजूर त्या ठिकाणी जेवन करत होते. अचानक मंडप कोसळला आणि त्याखाली काही नागरिक अडकले.
