Jagriti Yatra: प्रवासाची आवड असणाऱ्यांसाठी एक अविश्वसनीय संधी आहे. वाढत्या प्रवास खर्चांमुळे आणि वेळेच्या अडचणींमुळे अनेकांची ‘भारतदर्शनाची’ इच्छा अपूर्ण राहते. मात्र, आता तुम्ही फक्त 25 रुपयामध्ये संपूर्ण भारताची सफर करू शकता. ‘जागृती यात्रा’ या विशेष ट्रेन ‘च्या माध्यमातून तुम्ही भारत दर्शन करू शकता. जागृती यात्रा ही ट्रेन गेल्या 16 वर्षांपासून वर्षातून एकदा धावते, दरवर्षी सुमारे 500 भाग्यवान प्रवाशांना या अद्वितीय प्रवासाचा अनुभव घेण्याची संधी मिळते. हि ट्रेन उद्योजक होणाऱ्यांसाठी ही एक खास संधी आहे. या काळात प्रवाशांना भारत दर्शनाची संधीतर मिळतेच तसेच उद्योगासाठी मार्गदर्शन, विविध क्षेत्रातील तज्ञांची व्याख्याने आणि अनेक प्रेरणादायी उपक्रम जागृती यात्रे दरम्यान आयोजित करण्यात येतात.
या ट्रेनमध्ये प्रवास करून तुम्ही उद्योजक होऊ शकता. कारण या यात्रेला अनेक उद्योजक येतात, केवळ ₹25 च्या नाममात्र शुल्कात संपूर्ण भारताचे दर्शन घडवणारी आणि सोबतच उद्योजकतेचे ज्ञान देणारी ही ‘जागृती यात्रा’ तरुण उद्योजकांसाठी निश्चितच एक अनोखी आणि प्रेरणादायी संधी आहे.
‘जागृती यात्रा’ ही एक अनोखी संकल्पना असून “उद्योजकतेच्या माध्यमातून भारताचा विकास करणे” हा या ट्रेनचा मुख्य उद्देश आहे. या प्रवासात ट्रेन सुमारे 8,000 किलोमीटरचा प्रवास करते. दरम्यान, या प्रवासासाठी तुमचे वय 21 ते 27 वर्षांच्या दरम्यान असणे बंधनकारक आहे. यंदाचा प्रवास 7 नोव्हेंबर 2025 रोजी सुरू होऊन 22 नोव्हेंबर 2025 रोजी संपणार आहे .अर्ज करण्याची अंतिम मुदत 15 ऑक्टोबर आहे. या अनोख्या प्रवासात सहभागी होण्यासाठी इच्छुक उमेदवार http://www.jagritiyatra.com या अधिकृत वेबसाइटवर जाऊन नोंदणी करू शकतात.
