किनशासा (काँगो): डेमोक्रॅटिक रिपब्लिक ऑफ काँगो (DRC) मधील (Mine Collapse) लुआलाबा प्रांतात झालेल्या एका भीषण दुर्घटनेने संपूर्ण देशाला हादरवून सोडले आहे. एका अनधिकृत सोन्याच्या खाणीत झालेल्या भीषण भूस्खलनात 100 हून अधिक कामगारांचा मृत्यू झाला आहे. शुक्रवारी दुपारी हा अपघात झाला, अशी माहिती एका पोलीस अधिकाऱ्याने दिली. प्राथमिक माहितीनुसार 70 कामगार गाडले गेल्याचे सांगण्यात आले होते, परंतु शनिवारी मृतांचा आकडा 101 वर पोहोचल्याने मोठा धक्का बसला आहे.
भूस्खलनानंतर अनेक लोक अजूनही जमिनीखाली गाडले गेल्याचा अंदाज व्यक्त केला जात आहे, ज्यामुळे मृतांचा आकडा वाढण्याची भीती आहे. मिळालेल्या माहितीनुसार, गाडलेल्या आणि सापडलेल्या मृतदेहांमध्ये अनेक स्थानिक लोकांचा समावेश आहे.
पाहा व्हिडीओ:
— Naresh Shende (@NareshShen87640) November 16, 2025
काँगोचा दक्षिण भाग हा सोन्याच्या खाणीने समृद्ध आहे. देशातील मोठ्या भागात सुरू असलेल्या अस्थिरतेमुळे, अनेक लोक उत्पन्न मिळवण्यासाठी अशा धोकादायक खाणीत अत्यंत धोकादायक परिस्थितीत काम करतात, ज्यामुळे अपघाताचा धोका नेहमीच असतो.
खाण क्षेत्रांमध्ये भूस्खलनाच्या घटना वारंवार घडतात. मुसळधार पाऊस हे याचे मुख्य कारण असते, परंतु अस्थिर भूभाग आणि अनधिकृत खाणकामामुळे अशा घटना अधिक गंभीर रूप घेतात.
प्रशासनाने कठोर पाऊले उचलून, अशा धोकादायक खाणींवर तात्काळ नियंत्रण आणणे आणि कामगारांना सुरक्षित वातावरण पुरवणे, ही सर्वात मोठी गरज आहे.
