Harda Fire News : मध्य प्रदेशातील हरदामध्ये फटाक्याच्या कारखान्यात भीषण स्फोट होऊन मोठी दुर्घटना घडली आहे. या दुघर्टनेत २५ हून अधिक जण होरपळल्याची प्राथमिक माहिती समोर येत आहे. फटाक्यांच्या कारखान्यात अचानक आग लागली आणि एका मागोमाग एख अनेक स्फोट झाल्याने भीषण आग लागली आहे.
या स्फोटांमुळे ३ किलोमीटर अंतरापर्यंत भूकंप झाल्यासारखं वाटत होते. या घटनेची माहिती मिळताच पोलीस आणि अग्निशामन दलाच्या अनेक गाड्या घटनास्थळी दाखल झाल्या आहेत. धुराचा लोळ आजूबाजूच्या परिसरात पसरला आहे. कारखान्यात आणखी काही कामगार अडकले असल्याची भीती व्यक्त करण्यात येत आहे.
मिळालेल्या अधिक माहितीनुसार, मध्य प्रदेशातील हरदा जिल्ह्यात एका फटाक्यांच्या कारखान्यात अचानक आग लागून भीषण स्फोट झाला आहे. एक-दोन नाही तर, कारखान्यामध्ये सतत स्फोट होत आहेत, त्यामुळे उंचच उंच आगीचे लोट पसरले आहेत. या कारखान्यात काम करणारे अनेक कामगार कारखान्यात अडकल्याची शक्यता वर्तवण्यात येत आहे.
बचावकार्य सुरू
एएनआय या वृत्तसंस्थेने दिलेल्या माहितीनुसार, मध्य प्रदेश हरदा येथील फटाक्यांच्या कारखान्याला लागलेल्या आगीत आतापर्यंत २५ जण होरपळले असून त्यांना उपचारांसाठी रुग्णालयात दाखल करण्यात आलं आहे. या घटनेची माहिती मिळताच पोलीस आणि अग्निशमन दलाचे पथक घटनास्थळी दाखल झाले असून मदत आणि बचावकार्य सुरू केलं आहे. कारखान्याला लागलेली भीषण आग विझवण्यासाठी अग्निशमन दलाचे जवान शर्थीचे प्रयत्न करत आहेत, मात्र अद्यापही आगीवर नियंत्रण मिळवता आलेलं नसून अनेक नागरिक अडकल्याची भीती व्यक्त केली जात आहे.
#WATCH | Madhya Pradesh: People injured in the massive fire that broke out in a firecracker factory in Harda, are being shifted to a hospital for treatment. Fire tenders have reached the spot, several people are feared trapped. pic.twitter.com/rwEzdIUUJX
— ANI (@ANI) February 6, 2024
