दिल्ली : दिल्लीमधुन एक धक्कादायक बातमी समोर आली आहे. दिल्लीमधील रोहिणी इथं प्रशांत विहार परिसरात मोठा स्फोट झाल्याची घटना घडली आहे. सीआरपीएफ स्कूलबाहेर हा स्फोट झाला असून स्फोटानंतर परिसरात मोठा गोंधळ उडाला असून तणावाचं वातावरण आहे. केंद्रीय राखीव पोलीस दलाच्या शाळेच्या भिंतीजवळ हा स्फोट झाला. हा स्फोट इतका मोठा होता की परिसरातील काही गाड्यांच्या काचा फुटल्या आहेत.
याबाबत अधिक माहिती अशी की, स्फोटामुळे परिसरात धुराचे लोट दिसून आले. यामुळे स्थानिकांमध्ये भीतीचं वातावरण आहे. दिल्ली पोलिसांच्या फॉरेन्सिक टीमला पाचारण करण्यात आलं आहे. अद्याप हा स्फोट कशामुळे झाला याबद्दल माहिती समजू शकली नाही. चौकशीनंतरच हे प्रकरण नेमकं काय आहे हे समजू शकेल.
