Kolkatta Crime: कोलकत्ता येथील हुगळी जिल्ह्यातील ताराकेश्वर रेल्वे शेड परिसरात एक धक्कादायक घटना घडली आहे. आजीसोबत झोपलेल्या 4 वर्षाच्या मुलीचे अपहरण करून तीचावर बलात्कार (Rape) केल्याची संतापजनक घटना समोर आली आहे. या घटनेचा पुढील तपास कोलकत्ता पोलीस करत आहे. या घटनेनंतर ममता बॅनर्जी यांच्या सरकारवर जोरदार टीका केली जात आहे.
घटनेची सविस्तर माहिती
ताराकेश्वर रेल्वे शेड परिसरात मध्यरात्री ७ नोव्हेंबर रोजी ही घटना घडली. रात्रीच्यावेळीस मुलगी आपल्या आजीजवळ झोपली होती तेव्हा आरोपीने तीचे अपहरण केले. पीडित मुलीवर लैंगिक अत्याचार करून तीला नाल्याजवळ फेकून दिले. दुसऱ्या दिवशी सकाळी तारकेश्वर रेल्वे हाय ड्रेनजवळ पीडित मुलगी नग्न आणि रक्त बंबाळ अवस्थेत आढळून आली. या घटनेची माहिती पोलिसांना देण्यात आली. पीडित मुलीला तात्काळ रुग्णालयात दाखल करणयात आले.
हेही वाचा – 1800 कोटींच्या घोटाळ्याचा मास्टरमाईंड आला समोर? 6 महिने आधीच केली होती प्लॅनिंग; संपूर्ण पुरावे उघडकीस..
सुरुवातीस या घटनेचा प्राथमिक माहिती अहवाल नोंदवण्यास पोलिसांनी टाळाटाळ केल्याचा आरोपी भाजप नेत्यानी केला आहे. तसेच ममता बॅनर्जी यांच्यावर जोरदार टीका केली. अधिकाऱ्यांनी लैंगिक गुन्ह्यांपासून मुलांचे संरक्षण (POCSO) कायद्यांतर्गत गुन्हा दाखल केला. पीडितेवर रुग्णालयात उपचार सुरु असल्याची माहिती समोर येत आहे. या घटनेनंतर पीडितेच्या आजीने रुग्णालयात हंबरडा फोडला आहे. या घटनेनंतर ताराकेश्वर परिसरात एकच खळबळ उडाली आहे.
A 4-year old girl child has been Raped in Tarkeshwar.
Family rushes to Police Station, but FIR not registered !
Taken to the Hospital – referred to Chandannagar.
Tarkeshwar Police busy burying the Crime.This is the True Face of Mamata Banerjee’s free-for-all regime.
A… pic.twitter.com/XujzQSCmEQ— Suvendu Adhikari (@SuvenduWB) November 8, 2025
या घटनेबाबत पीडितेच्या आजीची चौकशी करण्यात आली त्यावेळी त्यांनी मध्यरात्री ही घटना घडल्याची माहिती दिली. पीडित माझ्याजवळ मच्छरदानीत झोपली होती. सकाळी उठली तेव्हा मच्छरदानी कोणीतरी तोडली असावी असा दावा केला. मध्यरात्री गाढ झोपेत तीला रात्री कुणीतरी घेऊन गेले असं पीडितेच्या आजीने माध्यमांशी बोलताना सांगितले. पोलीस या प्रकरणी पुढील तपास करत आहे.
