कोची: केरळमधील कोची येथे एका (kochi News) नौदल कर्मचाऱ्याने १५ वर्षीय अल्पवयीन (Crime News) मुलीवर लैंगिक अत्याचार केल्याची धक्कादायक घटना उघडकीस आली आहे. पीडित मुलगी ही केंद्रीय औद्योगिक सुरक्षा दल अधिकाऱ्याची मुलगी असून ती मूळची राजस्थानची आहे. या घटनेनंतर परिसरात खळबळ उडाली असून, पोलिसांनी तातडीने आरोपीला अटक केली आहे. (Breaking News)
मिळालेल्या माहितीनुसार, ही घटना १७ नोव्हेंबर रोजी आरोपी राहत असलेल्या भाड्याच्या घरात घडली. आरोपी आणि पीडित मुलगी यांच्यात मैत्रीपूर्ण संबंध होते. या मैत्रीच्या माध्यमातून विश्वास संपादन करून आरोपीने प्रेमसंबंधांच्या बहाण्याने मुलीवर अत्याचार केले. सुरुवातीला पीडितेने या कृत्याला विरोध केला, मात्र आरोपीने धमकी देऊन तिच्यावर अत्याचार केले, असे तक्रारीत नमूद आहे.
मुलीने दाखल केलेल्या तक्रारीनंतर पोलिसांनी १८ नोव्हेंबर २०२५ रोजी पहाटे आरोपी अमितला अटक केली आहे. त्याच्यावर लैंगिक शोषणाचे गुन्हे दाखल करण्यात आले आहेत. दक्षिणी नौदल कमांडने या घटनेला अत्यंत गंभीर मानलं आहे. नौदल प्रोव्होस्ट या तपासावर बारकाईने लक्ष ठेवून आहे. तसेच, संपूर्ण तपास करण्यासाठी कमांडने नागरी अधिकाऱ्यांना पूर्ण सहकार्य करण्याचे आश्वासन दिलं आहे. या प्रकरणात आरोपीला आज एर्नाकुलम प्रथम श्रेणी न्यायदंडाधिकारी न्यायालयात हजर केले जाणार आहे. या गंभीर घटनेनंतर आरोपीला काय शिक्षा होणार, याकडे सर्वांचे लक्ष लागले आहे.
