इराणचे राष्ट्रपती इब्राहीम रईसी यांचा हेलिकॉप्टर अपघातात मृत्यू

Ebrahim Raisi Death : इराणचे राष्ट्रपती इब्राहिम रईसी यांचे हेलिकॉप्टपर दुर्घटनेत निधन झालं आहे. अजरबैजानवरुन परतताना इब्राहिम रईसी यांच्या हेलिकॉप्टरला अपघात झाला.

खराब हवामानामुळे इब्राहिम रईसी यांचे हेलिकॉप्टर अचानक जोरात कोसळले. 17 तास उलटल्यानंतर हे हेलिकॉप्टर शोध आणि बचाव पथकाला सापडले आहे. यावेळी हेलिकॉप्टर जळून पूर्ण खाक झालेले दिसून येत आहे.

या अपघाताचे क्रॅश साइटवरुन फोटो समोर आलेत. या भीषण अपघातातून कोणी वाचण्याची शक्यता दिसत नाही. इराणच्या सरकारी टेलीविजनने सोमवारी सांगितलं की, राष्ट्रपती इब्राहिम रईसी आणि अन्य अधिकारी असलेल्या या हेलिकॉप्टरमध्ये कोणी जिवंत असण्याचे संकेत दिसत नाहीत.

टर्कीच्या ड्रोनने या हेलिकॉप्टरचा शोध लावला. या ड्रोनने एक हीट सोर्स शोधून काढले. तोच हेलिकॉप्टरचा ढिगारा होता. टर्कीच्या अधिकाऱ्यांनी तेहरानच्या वरिष्ठांना घटनास्थळाची माहिती दिली.