नवी दिल्ली: काँग्रेस नेते राहुल गांधी यांनी जम्मू काश्मीरचे माजी राज्यपाल सत्यपाल मलिक यांची मुलाखत घेतली आहे. यामध्ये मलिक यांनी शेतकरी आंदोलन आणि पुलवामा हल्ल्यासह अनेक मुद्द्यांवर भाष्य करत केंद्र सरकारवर निशाणा साधला.
ही मुलाखत सोशल मीडिया प्लॅटफॉर्मवर शेअर करताना राहुल गांधींनी लिहिले की, ‘या मुलाखतीमुळे ईडी-सीबीआयच्या कारवाया वाढणार का?’ राहुल गांधींसोबतच्या संवादादरम्यान सत्यपाल मलिक म्हणाले की, मी लिहून देतो की, देशात मोदी सरकार आता येणार नाही.
जम्मू-काश्मीरबाबत काय झाले?
राहुल गांधींनी विचारले की, तुम्ही (सत्यपाल मलिक) जेव्हा जम्मू-काश्मीरमध्ये होता, तेव्हा तो काळ खूप गुंतागुंतीचा होता. यावर तुमचे काय मत आहे? सत्यपाल मलिक म्हणाले की, तुम्ही बळ किंवा लष्कराने जम्मू-काश्मीरचे निराकरण करू शकत नाही. इथल्या लोकांना जिंकून तुम्ही काहीही करू शकता. प्रश्न सोडवण्यासाठी आधी राज्याचा दर्जा परत दिला पाहिजे.
त्यांनी पुढे असा दावा केला की, केंद्र सरकारने जम्मू-काश्मीरला केंद्रशासित प्रदेशाचा दर्जा दिला आहे. कारण त्यांना वाटत होते की पोलीस बंड करतील, परंतु पोलीस सरकारशी एकनिष्ठ राहिले आहेत. त्यांनी (पोलिसांनी) ईदच्या महिन्यात सुटीही घेतली नाही. अशा परिस्थितीत राज्याचा दर्जा देऊन निवडणुका घ्याव्यात.
यावर राहुल गांधी म्हणाले की, मी जेव्हा जम्मू-काश्मीरमध्ये गेलो होतो तेव्हा मलाही वाटले होते की, राज्याचा दर्जा हिसकावून घेतल्याने लोक खूश नाहीत. सत्यपाल मलिक म्हणाले की, जेव्हा मी त्यांना (केंद्र सरकार) राज्याचा दर्जा देण्यास सांगितले. तेव्हा केंद्र सरकारने सांगितले की, सर्व काही ठीक आहे.
पुलवामा बद्दल काय बोलले ?
पुलवामामधील दहशतवादी हल्ल्याबाबत सत्यपाल मलिक म्हणाले, “मी असे म्हणत नाही की त्यांनी (केंद्र सरकारने) हे केले, परंतु पुलवामामध्ये त्यांनी दुर्लक्ष केले आणि नंतर त्याचा राजकीय वापर केला.” त्यांनी त्यांच्या भाषणात म्हटले की, जर तुम्ही मतदान करायला गेलात तर पुलवामाच्या शहीदांची आठवण करा.
यावर राहुल गांधी म्हणाले, “जेव्हा मी पुलवामाबद्दल ऐकले, तेव्हा मला समजले की शहीद जवानांचे पार्थिव विमानतळावर येत आहेत, तेव्हा माझ्या सुरक्षारक्षकाने मला विमानतळावर जाऊ नका, पण मी जात असल्याचे सांगितले.” मला विमानतळावर एका खोलीत बंद केले होते. मला सांगितले की, शहीद जवानांचे पार्थिव आले होते. आणि पंतप्रधान नरेंद्र मोदी येणार आहेत. मी भांडलो आणि खोलीतून बाहेर आलो तेव्हा मला वाटले की, एक संपूर्ण कार्यक्रम आयोजित केला जात आहे.” तेव्हा सत्यपाल मलिक म्हणाले की, पीएम मोदींना श्रीनगरला जायला हवे होते.
क्या ये संवाद ED-CBI की भाग दौड़ बढ़ा देगा?
पुलवामा, किसान आंदोलन और अग्निवीर जैसे महत्वपूर्ण मुद्दों पर राज्यपाल, पूर्व सांसद और किसान नेता, सत्यपाल मलिक जी के साथ दिलचस्प चर्चा!
पूरा वीडियो मेरे यूट्यूब चैनल पर देखिए। pic.twitter.com/tIGkXDRjzD
— Rahul Gandhi (@RahulGandhi) October 25, 2023
सत्यपाल मलिक म्हणाले की, पुलवामामध्ये सीआरपीएफचे जवान शहीद झाले. कारण त्यांनी पाच विमाने मागितली होती. विमान मागणीचा अर्ज चार महिने गृहमंत्रालयात अडकून राहिला. गृहमंत्रालयाने तो अर्ज फेटाळून लावला. या कारणास्तव या लोकांनी रस्त्याने जाण्याची निवड केली. हे स्फोटक साहित्य पाकिस्तानातून आल्याचे मलिक यांनी सांगितले.
