बिहार : तुमचे ध्येय निश्चित असेल आणि मेहनत केली तर यश निश्चित आहे. बिहारची मुलगी अलंकृता साक्षीने हे वाक्य खरे करून दाखवले आहे. बिहारमधील भागलपूरच्या अलंकृता साक्षीला गुगलने 60 लाख रुपयांचे पॅकेज दिले आहे. त्यामुळे कुटुंबीय आणि नातेवाईकांमध्ये आनंदाची लाट उसळली आहे. गुगलमध्ये नोकरी मिळवून अलंकृता साक्षीने जीवनात मोठे यश मिळवत सर्वांसाठी एक आदर्श निर्माण केला आहे. ज्या मुलींना पुढे जाऊन काहीतरी करायचे आहे, त्यांना नवी दिशा देण्याचे कामही अलंकृताने केले आहे.
कोण आहे अलंकृता साक्षी?
अलंकृत साक्षी ही बिहारमधील भागलपूर जिल्ह्यातील नवगचिया ब्लॉकमधील सिमरा गावची रहिवासी आहे. अलंकृताचे वडील शंकर मिश्रा सध्या झारखंडमधील कोडरमा येथे राहतात. ते कोडरमा येथील एका खासगी कंपनीत काम करतात. तिची आई रेखा मिश्रा एका खाजगी शाळेत शिक्षिका आहे. अलंकृताचे आई-वडील कोडरमा येथे राहत असल्याने त्यांचे बालपणही तेथेच गेले आहे. अलंकृताने कोडरमा येथून दहावी पूर्ण केली. त्यानंतर कोडरमा येथील जवाहर नवोदय विद्यालयात बारावीला प्रवेश घेतला. नंतर हजारीबाग येथून बी.टेक पदवी घेतली.
बी.टेक केल्यानंतर अलंकृताला नोकरी मिळाली. त्यामुळे त्यांनी बेंगळुरूमध्ये राहण्यास सुरुवात केली. येथे त्यांनी विविध बहुराष्ट्रीय कंपन्यांमध्ये काम केले. काम कात असताना त्यांनी गुगलमध्ये नोकरीसाठी अर्जही केला. आता त्याची गुगलसाठी निवड झाली आहे. त्यांना 60 लाखांचे पॅकेज मिळाले आहे. अलंकृताचा विवाह भागलपूर जिल्ह्यातील पोथिया गावातील मनीष कुमारसोबत झाला आहे. मनीषही बंगळुरूमध्ये एका सॉफ्टवेअर कंपनीत काम करतो. अलंकृताचे सासरे राजीव नयन चौधरी हे नवगचिया उपविभाग कार्यालयात मुख्य लिपिक म्हणून कार्यरत आहेत. अलंकृताच्या निवडीनंतर तिच्या गावापासून सासरच्या मंडळींमध्ये आनंदाचे वातावरण आहे. गुगलसारख्या कंपनीत निवड होणे ही अभिमानाची बाब असल्याचे सर्वांचे म्हणणे आहे.
