बैतूल: मध्य प्रदेशातील बैतूलमध्ये एका पित्याने आपल्या 12 दिवसांच्या नवजात मुलाचा गळा दाबून खून केला. पोलिसांनी आरोपीला अटक केली आहे. आरोपीला आधीच दोन मुले आहेत, आता त्याला मुलगी हवी होती, मात्र त्याच्या पत्नीने एका मुलाला जन्म दिला. त्यानंतर त्याने दारूच्या नशेत त्याचा गळा दाबून खून करण्यात आला.
बैतूल कोतवाली पोलीस ठाण्याच्या हद्दीतील बजरवाडा गावातील ही हृदयद्रावक घटना समोर आली आहे. रविवारी सायंकाळी अनिल उईके नावाच्या पित्याने 12 दिवसांपूर्वी जन्मलेल्या आपल्या नवजात मुलाचा गळा आवळून खून केला. माहिती मिळताच पोलिसांनी गावात पोहोचून मुलाचा मृतदेह पोस्टमार्टमसाठी पाठवला. सोमवारी शवविच्छेदन करून मृतदेह नातेवाईकांच्या ताब्यात देण्यात आला. पोलिसांनी आरोपीला अटक केली आहे.
दरम्यान पोलिसांना माहिती मिळाली होती की, 12 दिवसांच्या नवजात बाळाची त्याच्या वडिलांनी हत्या केली आहे. मयत मुलाची आई रुचिका उईके यांनी पोलिसांना सांगितले की, दारूच्या नशेत तिचा पती अनिल उईके याने तिलाही मारहाण करून आपल्याकडील मूल हिसकावले. रुचिका घाबरून पळून गेली होती.
रुचिका परत आली तेव्हा मुलाचा मृतदेह झोपडीत पडलेला होता आणि गळ्यावर गळा दाबल्याच्या खुणा होत्या. पोलिसांनी आरोपी पती अनिल उईके याच्याविरुद्ध कलम ३०२ अन्वये खुनाचा गुन्हा दाखल केला आहे. पोलिसांनी आरोपीला सोमवारी अटक केली.
आरोपी अनिल उईके याने पोलिसांसमोर आपल्या गुन्ह्याची कबुली दिली आणि सांगितले की, त्याला आधीच दोन मुले आहेत. तिसरी मुलगी हवी होती, पण तिसराही मुलगा झाला, म्हणून त्याने त्याचा खून केला. तो पत्नीला ऑपरेशन करून घेण्यास सांगत होता, पण दरम्यान ती गरोदर राहिली, त्यामुळे तिसरी मुलगी व्हावी, असा विचार त्याने केला. परंतु, मुलीऐवजी मुलगा झाला, त्यामुळे नवजात बाळाचा गळा दाबून खून करण्यात आला.
