रांची: अंमलबजावणी संचालनालयाने (ईडी) झारखंडची राजधानी रांचीच्या विविध भागात छापे टाकले. वीरेंद्र राम प्रकरणात झारखंडचे ग्रामीण विकास मंत्री आलमगीर आलम यांचे स्वीय सचिव संजीव लाल यांच्या घरगुती नोकराकडून मोठी रक्कम जप्त करण्यात आली आहे. आत्तापर्यंत 20 कोटींहून अधिकची मोजणी झाली आहे. पैशांची मोजणी अजूनही सुरू असल्याचे अधिकाऱ्यांनी सांगितले. सूत्रांनी दिलेल्या माहितीनुसार, ५०० रुपयांच्या नोटा जप्त करण्यात आल्या आहेत.
काय आहे वीरेंद्र राम प्रकरण?
वीरेंद्र राम यांना मनी लाँड्रिंग प्रकरणात अटक करण्यात आली होती. प्रदीर्घ चौकशीनंतर ईडीने त्यांना अटक केली. चौकशीदरम्यान वीरेंद्र रामने ईडीसमोर अनेक बड्या व्यक्तींसोबतचे संबंधही उघड केले. मिळालेल्या माहितीनुसार, रामकडे 150 कोटी रुपयांची संपत्ती सापडली आहे.
याशिवाय दोन कोटींचे सोन्याचे दागिनेही जप्त करण्यात आले आहेत. ईडीने वीरेंद्र रामकडून एक लॅपटॉप आणि काही पेनड्राइव्हही जप्त केले आहेत. ईडीने गेल्या वर्षी 21 फेब्रुवारीला त्याच्या 24 ठिकाणांवर छापे टाकले होते. या छाप्यादरम्यान त्याच्याकडून जप्त करण्यात आलेल्या कागदपत्रांच्या आधारे एजन्सीने वीरेंद्र रामची दोन दिवस चौकशी केली.
#WATCH | The Enforcement Directorate is conducting raids at multiple locations in Ranchi. Huge amount of cash recovered from household help of Sanjiv Lal – PS to Jharkhand Rural Development minister Alamgir Alam, in Virendra Ram case.
ED arrested Virendra K. Ram, the chief… pic.twitter.com/VTpUKBOPE7
— ANI (@ANI) May 6, 2024
ईडीने न्यायालयाला सांगितले होते की, राम आणि त्यांच्या कुटुंबीयांच्या बँक खात्यांच्या तपासणीत त्यांच्या कायदेशीर उत्पन्नाच्या स्रोतांपेक्षा जास्त पैसे आढळून आले. रामने वडील, पत्नी आणि इतर कुटुंबीयांच्या नावावर जंगम मालमत्ता घेतल्याचा आरोप आहे. ही संपत्ती कौटुंबिक उत्पन्नाच्या प्रमाणात नाही. सप्टेंबर 2020 मध्ये वीरेंद्र राम यांच्याविरुद्ध मनी लाँड्रिंग प्रकरणात तक्रार दाखल करण्यात आली होती.
