नवी दिल्ली: भारतीय जनता पक्षाने लोकसभा निवडणुकीसाठी आपल्या उमेदवारांची आठवी यादी जाहीर केली आहे. या यादीत ओडिशाच्या तीन, पंजाबच्या सहा आणि पश्चिम बंगालच्या दोन लोकसभा जागांसाठी उमेदवारांची घोषणा करण्यात आली आहे. यामध्ये मोठी बातमी म्हणजे पंजाबमधील गुरुदासपूर लोकसभा मतदारसंघातून विद्यमान खासदार आणि बॉलिवूड अभिनेता सनी देओलचे तिकीट कापण्यात आले आहे. त्यांच्या जागी दिनेश सिंग यांना तिकीट देण्यात आले आहे. याशिवाय अन्य पक्षांच्या खासदारांनाही तिकीट देण्यात आले आहे.
