बेळगाव : नवऱ्याकडून होत असलेली मारहाण आणि सासू- सासऱ्यांकडून होणाऱ्या जाचाला कंटाळून माय लेकाराने आत्महत्या केल्याची घटना उघडकीस आली आहे. दिवाळीच्या पाडव्यादिवशीच (दि. ०३) बेळगाव येथे ही दुर्दैवी घटना घडली आहे. कविता बसवंत जुनेबेळगावकर आणि समर्थ बसवंत जुनेबेळगावकर (रा. कलखांब) अशी आत्महत्या केलेल्या माय लेकराची नावं आहे.
दरम्यान, पतीची मारहाण आणि सासू- सासऱ्यांकडून सातत्याने होणाऱ्या जाचाला कंटाळून अरगन तलावामध्ये झोकून देऊन आई आणि मुलाने आत्महत्या करत असल्याचे सुसाईड नोटमध्ये लिहिण्यात आले आहे.
याबाबत मिळालेल्या अधिक माहितीनुसार, नवऱ्याकडून होत असलेली मारहाण आणि सासू- सासऱ्यांकडून होणाऱ्या जाचाला कंटाळून माय लेकाराने अरगन तलावामध्ये उडी मारून आत्महत्या केली. याबाबतची माहिती मिळताच पोलिसांनी घटनास्थळी धाव घेतली. हर्फ आणि फेसबुक फ्रेंड सर्कल संघटनेचे बसवराज हिरेमठ, संतोष दरेकर, अवधूत तुडवेकर आदींनी प्रयत्न करून पाण्यावर तरंगत असलेले मृतदेह बाहेर काढण्यात आले. त्यावेळी मृतदेह सोबत मिळालेल्या सुसाईड नोटमध्ये नवऱ्याने दारू पिऊन मारहाण केल्याने आणि सासू-सासर्यांनी त्रास दिल्याने मुलगा आणि मी आत्महत्या करत असल्याचे नमूद केले आहे.
दरम्यान, गेल्या दोन-तीन दिवसात आजूबाजूच्या पोलिस स्थानकात बेपत्ता झालेल्या यादीनुसार तपास केला असता कलखांब येथील आई मुलगा बेपत्ता असल्याचे समोर आले. त्यानुसार ओळख पटवण्यासाठी त्यांच्या नातेवाईकांना बोलवण्यात आले होते. नातेवाईकांनी ओळख पटवल्यानंतर मृतदेह शव विच्छेदनासाठी पाठवण्यात आले. या घटनेची कॅम्प पोलीस ठाण्यात नोंद करण्यात आली आहे.
