Parliament Winter Session 2023 : लोकसभेच्या खासदारांच्या निलंबनाचं सत्र आजही सुरूचं आहे. काल लोकसभेत ३३ खासदारांचे निलंबन झाल्यानंतर आज कालच्या निलंबनावरुन विरोधकांकडून सत्ताधाऱ्यांना घेरलं जात होतं. अशातच आज मंगळवार, १९ डिसेंबरला पुन्हा एकदा विरोधकांच्या ४९ खासदारांचे लोकसभा अध्यक्षांकडून निलंबन करण्यात आलं आहे.
आज निलंबित झालेल्या खासदारांमध्ये राष्ट्रवादी काँग्रेस शरद पवार गटच्या खासदार सुप्रिया सुळे, अमोल कोल्हे आणि शशी थरुर यांना निलंबित करण्यात आलं आहे. तर, लोकसभा आणि राज्यसभा अशा दोन्ही सभागृहातून आतापर्यंत 141 खासदारांचं निलंबन करण्यात आलं आहे.
संसदेचं हिवाळी अधिवेशन सुरू असून आज विरोधकांनी सत्ताधाऱ्यांना संसदेच्या सुरक्षेच्या मुद्द्यावरुन घेरलं. संसदेच्या सुरक्षेबाबत केंद्रीय गृहमंत्र्यांच्या वक्तव्याची मागणी करत विरोधकांनी गोंधळ सुरू केला. लोकसभेत अध्यक्षांचा अपमान करणाऱ्या अनेक खासदारांना आज पुन्हा निलंबित करण्यात आलं आहे. यामध्ये काँग्रेस खासदार शशी थरूर, सपा खासदार डिंपल यादव आणि महाराष्ट्रातून राष्ट्रवादी काँग्रेसच्या खासदार सुप्रिया सुळे आणि अमोल कोल्हे यांच्या नावांचा समावेश आहे.
आज 41 खासदारांना लोकसभेतून निलंबित करण्यात आले आहे. याशिवाय आठ राज्यसभा खासदारांनाही निलंबित करण्यात आलं आहे. यासोबतच आतापर्यंत दोन्ही सभागृहातील १४१ खासदारांवर कारवाई करण्यात आली आहे. 18 डिसेंबरपर्यंत एकूण 92 खासदारांचं निलंबन करण्यात आलं होतं.
पुन्हा ४९ खासदार निलंबित
काल ३३ खासदारांचे निलंबन केल्यानंतर आता पुन्हा तब्बल ४९ खासदारांचे निलंबन करण्यात आले आहे. याशिवाय आठ राज्यसभा खासदारांनाही निलंबित करण्यात आलं आहे. यासोबतच आतापर्यंत दोन्ही सभागृहातील १४१ खासदारांवर कारवाई करण्यात आली आहे. १८ डिसेंबरपर्यंत एकूण ९२ खासदारांचं निलंबन करण्यात आलं होतं. आज निलंबित केलेल्या खासदारांमध्ये राष्ट्रवादीच्या नेत्या सुप्रिया सुळे, अमोल कोल्हे, कॉंग्रेसचे शशी थरुर, मनिष तिवारी, डिंपल यादव, यांच्या नावाचा समावेश आहे.
आज ‘या’ खासदारांचं निलंबन?
- सुप्रिया सुळे
- अमोल कोल्हे
- मनीष तिवारी
- शशी थरूर
- मोहम्मद फैसल
- कार्ती चिदंबरम
- सुदीप बंदोपाध्याय
- डिंपल यादव
- दानिश अली
