मुंबई : मराठी सिनेसृष्टीतले ज्येष्ठ अभिनेते सतीश जोशी यांचे निधन झाले आहे. त्यांच्या निधनानं मराठी सिनेसृष्टीवर शोककळा पसरली आहे. रंगोत्सवात स्टेजवरच सतीश यांनी अखेरचा श्वास घेतल्याचं त्यांचे मित्र अभिनेते राजेश देशपांडे यांनी सोशल मीडियावर पोस्ट शेअर करत सांगितले आहे.
सतीश जोशी यांनी अनेक मराठी चित्रपटांमध्ये तसेच मालिकांमध्ये काम केलं आहे. सतीश यांनी त्यांच्या अभिनयानं प्रेक्षकांच्या मनात विशेष स्थान निर्माण केलं. त्यांच्या निधनानं प्रेक्षकांना मोठा धक्का बसला आहे.
राजेश देशपांडे यांची पोस्ट
“आमचे ज्येष्ठ मित्र अभिनेते सतीश जोशी यांचे आज रंगोत्सवात स्टेजवरच दुःखद निधन झाले जाण्यापूर्वी त्यांनी अभिनय पण केला होता, ओम शांती ओम.”, असं राजेश देशपांडे यांनी पोस्टमध्ये लिहिलं आहे. राजेश देशपांडे यांच्या पोस्टला कमेंट करुन अनेकांनी सतीश जोशी यांना श्रद्धांजली वाहिली आहे.
