Mumbai News : मुंबई मधील कुर्ला येथील नेहरूनगर परिसरात एक मोठी दुर्घटना घडली आहे. नेहरूनगरमध्ये आज दुपारी चार वाजण्याच्या सुमारास इमारत क्रमांक 73 ची संरक्षक भिंत कोसळली. या घटनेने परिसरात एकच खळबळ उडाली आहे. मात्र, या घटनेत सुदैवाने कोणत्याही प्रकारची जीवीतहानी झालेली नाही.
शेजारी असलेल्या ७२ नंबरच्या इमारतीचे काम चालू असताना ही दुर्घटना घडली असल्याची प्राथमिक माहिती आहे. घटनेनंतर पोलीस आणि अग्निशमन दलाचे अधिकारी घटनास्थळी दाखल झाले असून इमारत क्र ७१ मधील नागरिकांना सुरक्षित ठिकाणी हलविण्याचे काम सुरु आहे.
याप्रकरणी सूत्रांकडून मिळालेल्या अधिक माहितीनुसार, 73 नंबरच्या इमारतीच्या शेजारी असलेल्या ७२ नंबरच्या इमारतीचे काम चालू होतं. यामुळे 73 नंबरच्या इमारतीची संरक्षण भिंत कोसळल्याची प्राथमिक माहिती आहे. ही घटना अग्निशमन दल व पोलिस यंत्रणा यांना कळाल्यानंतर ते घटनास्थळी दाखल झाले. त्यानंतर इमारत क्रमांक ७१ या इमारती मधील फसलेला नागरिकांना बाहेर काढण्यात आले. मात्र या घटनेत कोणतीही जीवितहानी झालेली नाही.
