मुंबई: सोशल मीडियाच्या माध्यमातून स्टारझालेले मास्तर म्हणजेच नितेश कराळे यांनी राष्ट्रवादी काँग्रेस-शरदचंद्र पक्षात प्रवेश केला आहे. शरद पवार यांच्या राष्ट्रवादी काँग्रेसकडून शनिवारी 30 लोकसभा उमेदवारांची पहिली यादी जाहीर करण्यात येणार आहे. अशातच कराळे मास्तरांनी शुक्रवारी पक्षप्रवेश केला. त्यामुळे त्यांना वर्धा लोकसभेसाठी उमेदवारी जाहीर होणार का? याकडे सर्वांचे लक्ष लागले आहे.
राष्ट्रवादी काँग्रेस-शरदचंद्र पवार पक्षात प्रवेश केल्यानंतर नितेश कराळे म्हणाले,” मी आज राष्ट्रवादी काँग्रेसचे सर्वेसर्वा शरद पवार व महाराष्ट्र प्रदेश अध्यक्ष जयंत पाटील यांच्या प्रमुख उपस्थितीत सिल्वर ओक येथे प्रवेश घेतला आहे. लवकरच मी माझी भूमिका आणि फेसबुक, इंस्टाग्राम, युट्युब, ट्विटर आणि प्रसार माध्यमातून जाहीर करील.
