ठाणे : कसाऱ्यातून मोठी बातमी समोर आली आहे. कसाऱ्याजवळ नंदीग्राम एक्स्प्रेसच्या कोचला आग लागल्याची खळबळजनक घटना घडली आहे. आग लागल्यानंतर नंदीग्राम एक्स्प्रेस कसारा सिग्नल जवळ थांबवण्यात आली आहे. आग लागली तेव्हा एकच खळबळ उडाली. यामध्ये प्रवासी सुखरूप असल्याची माहिती मिळत आहे. एक्स्प्रेसला आग नेमकी कशामुळे लागली? याची माहिती अद्याप मिळू शकली नाही. आगीवर नियंत्रण मिळवण्याचे काम सुरु आहे.
मिळालेल्या माहितीनुसार, नंदीग्राम एक्स्प्रेसच्या कॉम्प्रेसरला आग लागल्याची घटना घडली. नंदीग्राम एक्सप्रेसला आग लागल्यानंतर प्रवाशांमध्ये एकच खळबळ उडाली. आग लागल्यानंतर अग्निशमन दलाला तातडीने कळवण्यात आले. एक्स्प्रेसला आग लागल्यानंतर ट्रेन कसारा जवळील सिग्नलजवळ थांबवण्यात आली. या घटनेत प्रवासी सुखरुप असल्याची माहिती मिळत आहे. त्यांना तातडीने ट्रेनमधून उतरवण्यात आलं आहे. या प्रवाशांना सुरक्षित ठिकाणी हलविण्यात आलं आहे.
