Shivrayancha Chhava : मुंबई : स्वराज्यरक्षक छत्रपती संभाजी महाराज यांच्यावर आधारीत ‘शिवरायांचा छावा’ या सिनेमाची घोषणा झाल्यापासून या सिनेमाबद्दल वेगळीच उत्सुकता सर्वांना लागली आहे. दिग्पाल लांजेकर दिग्दर्शित या सिनेमाची प्रेक्षकांना उत्सुकता आहे. अशातच सिनेमाचं नवं पोस्टर प्रेक्षकांच्या भेटीला आलं आहे. या सिनेमात छत्रपती संभाजी महाराज यांची भूमिका कोण साकारणार याची चाहत्यांना उत्सुकता लागली आहे.
छत्रपती संभाजी महाराज म्हणजे असामान्य पराक्रमांचे अधिपतीच होते. इतिहासाच्या पानांवर सुवर्णाक्षरांत त्यांच नाव कोरलं गेलं. स्वराज्यरक्षक छत्रपती संभाजी महाराजांचं म्हणीन त्यांनी नाव कमावलं. त्यांचं अवघं आयुष्य एक धगधगतं अग्निकुंड म्हणावं लागेल.
शंभूराजे हे तेजस्वी, धाडसी, शस्त्र-शास्त्र पारंगत होते. ‘शिवरायांचा छावा’ पुढच्या वर्षी म्हणजेच 16 फेब्रुवारी 2024 रोजी प्रेक्षकांच्या भेटीस येणार आहे. छत्रपती संभाजी महाराजांच्या धगधगत्या अजेय पराक्रमाची कथा दिग्पाल लांजेकरांनी लिहिली आहे. पटकथा-संवाद आणि गाणी देखील त्यांचीच आहेत. गाण्यांना साजेसं संगीत युवा संगीतकार देवदत्त मनीषा बाजी यांनी दिलं आहे. पार्श्वसंगीत अमर मोहिले यांचे आहे.
दिग्पाल लांजेकर पोस्टरमध्ये छत्रपती शिवाजी महाराजांचे पात्र साकारणाऱ्या अभिनेत्याची झलक पाहायला मिळत आहे. पोस्टरमधे मोठे केस, रौद्र रुप सर्वांच्या मनावर वेगळीच छाप पाडत आहे. “गर्जतो आमच्या देही..रक्त बिंदू रक्त बिंदू…राजे आले आमचे..आले रौद्र शंभू रौद्र शंभू” अशी पोस्ट केली आहे.
