मुंबई : मराठी चित्रपटसृष्टीतील आघाडीची अभिनेत्री पूजा सावंतने काही दिवसांपूर्वीच साखरपुडा करत चाहत्यांना आनंदाची बातमी दिली. पूजाचा होणारा नवरा नेमका कोण आहे याबाबत सगळ्यांनाच उत्सुकता लागली होती. आता सोशल मीडियावर फोटो शेअर करत पूजाने होणाऱ्या नवऱ्याचा चेहराही दाखवला आहे. सिद्धेश चव्हाण असे पूजाच्या होणाऱ्या नवऱ्याचे नाव आहे. आता पूजाने सोशल मीडियावर तिच्या नवऱ्यासाठी एक रोमँटिक पोस्ट शेअर केली आहे.
पूजाने सिद्धेशबरोबरचा रोमँटिक फोटो इन्स्टाग्रामवर शेअर केला आहे. या फोटोमध्ये पूजा सिद्धेशच्या मांडीवर बसल्याची दिसून येत आहे. हा फोटो जीतका रोमँटिक आहे. तितकच रोमँटिक कॅप्शन तिने लिहिलं आहे. “तुझ्या हृदयात कशी जागा निर्माण करायची हे मला आता महित आहे” पूजाने ही पोस्ट सिद्धेश चव्हाणला टॅगही केली आहे. पूजाच्या या पोस्टवर चाहत्यांनी लाईक आणि कमेंटचा वर्षाव केला आहे.
काही दिवसांपूर्वीच “We are engaged…” असं म्हणत पूजाने होणाऱ्या नवऱ्याबरोबरचे काही रोमँटिक फोटो सोशल मीडियावर शेअर केले होते. या फोटोंमध्ये पूजाच्या हातात साखरपुड्याची अंगठीही बघायला मिळाली होती. या फोटोवरून पूजाने गुपचूप साखरपुडा उरकला असल्याचे समोर आले होते. या पोस्टनंतर चाहत्यांबरोबर अनेक कलाकारांनी पूजावर अभिनंदनाचा वर्षाव केला होता.
पूजाच्या कामाबद्दल बोलायचं झालं तर आतापर्यंत तिने अनेक सुरपहिट चित्रपटांमध्ये काम केलं आहे. ‘क्षणभर विश्रांती’ या चित्रपटातून तिने मराठी मनोरंजन क्षेत्रात पदापर्ण केलं. ‘दगडी चाळ’ चित्रपटातील तिची भूमिका चांगलीच गाजली. या चित्रपटात तिच्याबरोबर अंकुश चौधरीची मुख्य भूमिका होती. तसेच ‘नीलकंठ मास्तर’, ‘सतरंगी रे’, ‘आता गं बया’सारख्या चित्रपटांमध्येही तिने काम केलं आहे.
