मुंबई : मुंबईच्या अंधेरी पश्चिमेत वीरा देसाई रोडवर एका 6 मजली इमारतीमध्ये आज (27 नोव्हेंबर) सकाळी मोठी आग लागल्याची माहिती समोर येत आहे. सुदैवाने या आगीत कोणतीही जीवितहानी झाली नाही. मात्र, या भीषण आगीत घर पूर्णपणे जळून खाक झाल्याची माहिती मिळत आहे.
मिळालेल्या माहितीनुसार, आग लागलेली इमारत ही रहिवासी इमारत आहे. या इमारतीमध्ये मोठ्या संख्यामध्ये लोक राहतात. आगीची माहिती मिळताच अग्निशमनच्या चार गाड्या घटनास्थळी दाखल झाल्या. सध्या आग विझवण्याचे काम युद्धपातळीवर सुरु आहे.
अग्निशमन दलाकडून आग विझवण्याचे प्रयत्न सुरू असले तरीही ही आग वाढताना दिसत आहे. इमारत पूर्णपणे खाली करण्यात आली. मात्र, ही इतकी मोठी आग नेमकी कशाने लागली, याबद्दल अजून माहिती मिळू शकली नाहीये. आगीचे कारण अस्पष्ट आहे. आता या आगी प्रकरणाचा तपास हा स्थानिक पोलिस प्रशासन आणि अग्नीशामक दलाकडून केला जात आहे.
