डोंबिवली : डोंबिवलीत एका शुल्लक कारणावरून लाईव्ह ऑर्केस्ट्रा बारमध्ये गोळीबार झाला आहे. या गोळीबारात एक जण जखमी झाला आहे. रात्री दीडच्या सुमारास हा गोळीबार झाला. डोंबिवलीतील मानपाडा परिसरातील एका बारमध्ये ही घटना घडली.
पोलिसांनी दिलेल्या माहितीनुसार, मंगळवारी रात्री एक वाजून दहा मिनिटांनी विकास भंडारी हा तरुण मानपाडा परिसरातील लाईव्ह ऑर्केस्ट्रा बारमध्ये गेला होता. यावेळेस बारमध्ये बसलेल्या अजय सिंग नामक व्यक्तीला त्याचा धक्का लागला. यामुळे दोघात बारमध्येच वाद सुरू झाला. या वादातून संतपलेल्या अजय सिंग व त्याच्या चार साथीदारांनी बारमध्ये फायरिंग करत विकास भंडारीला मारण्याचा प्रयत्न केला.
मात्र, ती गोळी भंडारीच्या खांद्याला लागली. या घटनेतून गंभीर जखमी झाला. यानंतर त्याला खाजगी रुग्णालयात दाखल करण्यात आले. मानपाडा पोलिसांनी याबाबत अजयसिंह चार इतर आरोपींच्या विरोधात गुन्हा दाखल करत केला. मानपाडा पोलीस आरोपीचा शोध घेत आहे.
