ठाणे : राज ठाकरे म्हणजे स्वतः एक नाटक कंपनी आहेत. मिमिक्री आर्टिस्ट आहेत. कोणाचीही नक्कल करू शकतात म्हणजे ते आर्टिस्ट आहेत. स्वतःच्या पक्ष वाढवण्यापेक्षा दुसऱ्याच्या पक्षात काय चालू आहे, हे कशाला बघत आहात . आम्ही खुले आम सांगतोय आमच्यातून गेलेल्याला कोणालाही दरवाजा उघडणार नाही. आमचे सर्व दरवाजे आम्ही बंद करून टाकले आहेत, असा इशारा देत आमदार जितेंद्र आव्हाड यांनी राज ठाकरे यांच्यावर टीका केली.
दरम्यान महाराष्ट्र नवनिर्माण सेनेचे अध्यक्ष राज ठाकरे यांनी राष्ट्रवादी काँग्रेसवर सडकून टीका केली होती. राष्ट्रवादी काँग्रेस हा पक्ष आहे, असं मी मानतच नाही. शरद पवार यांनी निवडून येणाऱ्या लोकांची बांधलेली ती मोळी आहे, असं माझं मत आहे. तसेच शरद पवार आणि अजित पवार हे आतून एकत्रच आहे, असा दावा ठाकरे यांनी केला. ते नाशिकमध्ये मनसेच्या वर्धापन दिनानिमित्त बोलत होते.
