मुंबई : मुंबईच्या वरळी परिसरातील टाइम्स टॉवरमध्ये भीषण आग लागल्याची माहिती आहे. कमला मिल्स परिसरातील टाइम टॉवर या इमारतीला पहाटेच्या सुमारास ही आग लागली आहे. आगीमुळे परिसरात धुराचे लोट पसरले असून नागरिकांमध्ये भीतीचे वातावरण पसरले आहे.
मिळालेल्या माहितीनुसार, या भीषण आगीमध्ये सुदैवाने कोणतीही जीवितहानी झालेली नाही, मात्र काहीजण अडकल्याची शक्यता वर्तवण्यात येत आहे. आगीवर नियंत्रण मिळवण्यासाठी अग्निशमन दलाच्या सात ते आठ गाड्या घटनास्थळी दाखल झाल्या असून आग विझवण्याचे शर्थीचे प्रयत्न सुरू आहेत. आगीचे कारण अद्याप स्पष्ट झालेले नाही.
Maharashtra | Fire breaks out in Times Tower building located in Lower Parel West, Mumbai. 9 fire tenders rushed to the spot, no injuries reported. Fire fighting operations underway: BMC
— ANI (@ANI) September 6, 2024
टाइम्स टॉवर ही कमर्शिअल इमारत असून यामध्ये रहिवासी कोणीही नाही. त्यामुळे आतमध्ये जास्त लोक अडकल्याची शक्यता फार कमी आहे. तरीही सध्या शोधकार्य आणि मुख्यकरुन ही आग विझवण्याचे प्रयत्न सुरु आहेत.
