पुणे: उपमुख्यमंत्री अजित पवार यांच्या (Maharashtra Budget) अकाली निधनामुळे राज्याच्या प्रशासकीय यंत्रणेसमोर, विशेषतः अर्थ विभागासमोर मोठे (Ajit Pawar Death) पेचप्रसंग उभे राहिले आहेत. राज्याचा (Devendra Fadanavis0 अर्थसंकल्प ६ मार्च रोजी सादर होणार आहे, मात्र अर्थमंत्र्यांच्या अनुपस्थितीत आता ही धुरा कोणाकडे जाणार, याकडे संपूर्ण महाराष्ट्राचे लक्ष लागले आहे. (Latest Marathi News)
राज्य विधिमंडळाचे अर्थसंकल्पीय अधिवेशन २३ फेब्रुवारीपासून सुरू होत आहे. अर्थमंत्री म्हणून अजित पवार यांनी अर्थसंकल्पाची प्राथमिक तयारी पूर्ण केली होती. मात्र, आता त्यांच्या जाण्याने निर्माण झालेली पोकळी भरून काढण्यासाठी मुख्यमंत्री देवेंद्र फडणवीस स्वतः राज्याचा अर्थसंकल्प मांडण्याची दाट शक्यता आहे. फडणवीस यांना यापूर्वी अर्थमंत्री म्हणून काम करण्याचा प्रदीर्घ अनुभव असून, त्यांनी मांडलेला ‘पंचामृत’ अर्थसंकल्प बराच गाजला होता. त्यामुळे सध्याच्या आणीबाणीच्या परिस्थितीत हे महत्त्वाचे खाते तूर्तास मुख्यमंत्र्यांकडेच राहू शकते.
यापूर्वी एकनाथ शिंदे मुख्यमंत्री असताना देवेंद्र फडणवीस यांनीच अर्थमंत्री म्हणून बजेट सादर केले होते. आता पुन्हा एकदा तशीच वेळ आली आहे. सध्या अर्थ विभागाचे सचिव आणि अधिकारी विविध विभागांकडून माहिती संकलित करत आहेत. उपमुख्यमंत्री अजित पवार यांच्या निधनामुळे या प्रक्रियेला थोडा वेग कमी झाला असला, तरी मुख्यमंत्री फडणवीस हे या क्षेत्रातील जाणकार असल्याने अर्थतज्ज्ञांनी शासन ही परिस्थिती हाताळेल असा विश्वास व्यक्त केला आहे.
अजित पवारांच्या वाट्याला आलेले अर्थ खाते त्यांच्याच पक्षातील (राष्ट्रवादी काँग्रेस) एखाद्या ज्येष्ठ नेत्याला दिले जाणार की मुख्यमंत्री ते स्वतःकडेच ठेवणार, यावर महायुतीमध्ये खलबतं सुरू आहेत. राज्यात सुरू असलेला तीन दिवसांचा दुखवटा संपल्यानंतर या संदर्भातील अधिकृत अधिसूचना जारी होण्याची शक्यता आहे. या अर्थसंकल्पात शेतकरी, पायाभूत सुविधा आणि सामाजिक योजनांवर अजितदादांच्या कामाची छाप असेल की मुख्यमंत्री नवीन काही घोषणा करतील, हे पाहणे महत्त्वाचे ठरेल.
