LPG Gas Booking WhatsApp : मुंबई: व्हॉट्सॲप हे आजकाल सर्वात जास्त वापरले जाणारे ॲप आहे. व्हॉट्सॲपच्या माध्यमातून अनेक गोष्टी सोप्या झाल्या आहेत. अशीच एक गोष्ट म्हणजे आता तुम्ही व्हॉट्सॲपवरून एलपीजी गॅस सिलिंडर घरबसल्या मागवू शकता.
मोबाईलवरून फोन करून बुकिंग करणे किंवा या वैयक्तिकरित्या ऑफिसमध्ये जाऊन गॅस रिफिल करणे ही अनेकांसाठी डोकेदुखी झाली आहे. ही डोकेदुखी टाळण्यासाठी तुम्ही व्हॉट्सअॅपपद्वारे गॅस बुक करू शकता. यासाठी इंडियन ऑइलने त्यांच्या निवेदनात दिलेल्या माहितीनुसार, ही सुविधा आयव्हीआरएस सिस्टममध्ये ज्येष्ठांसाठी चांगली सोयीची आहे.
सिलेंडर कसा बूक कराल
1. सर्वप्रथम तुम्हालानंबर सेव्ह करून HI लिहावे लागेल, त्यानंतर तुम्हाला तुमची भाषा निवडावी लागेल.
2. गॅस बुक, नवीन कनेक्शन, कोणतीही तक्रार इत्यादी सर्व काही करू शकता. तसेच तुम्हाला स्क्रीनवर अनेक पर्याय दिसतील ज्यामधून तुम्ही तुमच्या गरजेनुसार कोणताही पर्याय निवडू शकता.
3.गॅस रिफिल बुकिंग केल्यानंतर काही तासांनी एक नवीन सिलिंडर तुमच्याकडे येईल. लक्षात ठेवा, सेवा क्षेत्रानुसार विलंब होऊ शकतो.
कंपनीकडून तुम्ही गॅस खरेदी करता त्या कंपनीला व्हॉट्सअॅपवर मेसेज करा. जसे की, इंडेन, एचपी, भारत गॅस व्हॉट्सअॅपद्वारे बुक करता येऊ शकतो. इंडेन ग्राहक असाल तर तुम्ही 7718955555 वर कॉल करून सिलिंडर बुक करू शकता. व्हॉट्सअॅपद्वारे बुकिंग करताना, वापरकर्त्यांना त्यांच्या नोंदणीकृत नंबरवर REFILLटाइप करून संदेश पाठवावा लागेल, त्यानंतर त्यांना बुकिंगबद्दल माहिती मिळेल.
एचपी गॅस वापरकर्त्यांना 9222201122 नंबर सेव्ह करावा लागेल. त्यानंतर, BOOKD असा संदेश पाठवावा लागेल. यानंतर काही माहिती विचारली जाईल आणि तुमचे गॅस सिलेंडर बुक केले जाईल.
