मुंबई : लोकसभा निवडणुकीच्या पाचव्या टप्प्यातील मतदान उद्या सोमवारी (ता.20) होणार आहे. मुंबईतील महत्त्वाच्या सहा जागांसह 13 मतदारसंघांमध्ये मतदान होणार असल्याने महाराष्ट्र चर्चेत आहे. यावेळी धुळे, दिंडोरी, नाशिक, पालघर, भिवंडी, कल्याण, ठाणे, मुंबई उत्तर, मुंबई उत्तर पश्चिम, मुंबई उत्तर पूर्व, मुंबई उत्तर मध्य, मुंबई दक्षिण मध्य आणि मुंबई दक्षिण मतदारसंघात उद्या मतदान होणार आहे.
यावेळी राज्यातील मुंबई, पालघर, कल्याण आणि ठाणे या महत्त्वाच्या मतदारसंघांमध्ये दारुची दुकाने बंद राहणार आहेत. भारत निवडणूक आयोगाच्या निर्देशानुसार निष्पक्ष आणि शांततापूर्ण मतदानाचे वातावरण सुनिश्चित करण्यासाठी ज्या भागात निवडणुका होतात आणि लगतच्या भागात ड्राय डे पालन करणे बंधनकारक आहे. 20 मे 2024 रोजी सायंकाळी पाच वाजता बार आणि वाईन शॉप सुरू होणार आहेत. निकाल जाहीर होईपर्यंत मतमोजणी प्रक्रियेदरम्यान 4 जून रोजी मुंबईत आणखी एक ड्राय डे पाळण्यात येणार आहे.
मुंबई शेअर बाजार (बीएसई) आणि नॅशनल स्टॉक एक्स्चेंज (एनएसई) 20 मे रोजी मतदानाच्या हालचालींमुळे बंद राहणार आहेत. महाराष्ट्रात पाच टप्प्यांत मुंबईतील सहाही जागांवर मतदान होणार आहे.
