पुणे: मुख्यमंत्री माझी लाडकी बहीण योजनेअंतर्गत (Ladaki Bahin Yojana) लाभार्थी महिलांसाठी महत्त्वाची बातमी समोर आली आहे. डिसेंबर आणि जानेवारी महिन्याचे दोन्ही हप्ते (Ladaki Bahin Update) एकत्रितपणे देण्याचा निर्णय सरकारकडून घेण्यात आला असून, एकूण 3000 रुपये महिलांच्या खात्यात जमा होणार आहेत. (Breaking News)
14 जानेवारी रोजी मकर संक्रांत सण आहे, तर 15 जानेवारीला राज्यातील महापालिकांसाठी मतदान होणार आहे. या पार्श्वभूमीवर संक्रांतीपूर्वीच लाभार्थी महिलांच्या खात्यात रक्कम जमा करण्याचे नियोजन करण्यात आले आहे. त्यामुळे डिसेंबर आणि जानेवारी या दोन्ही महिन्यांचे प्रत्येकी 1500 रुपये असे एकत्र 3000 रुपये थेट खात्यात जमा होतील.
महिलांना सणासुदीच्या काळात आर्थिक मदत मिळावी, तसेच मतदानापूर्वी कोणताही विलंब होऊ नये, यासाठी हा निर्णय घेतल्याचे सांगण्यात येत आहे. संबंधित विभागाकडून हप्त्यांचे वितरण सुरू असून 14 जानेवारीपूर्वी सर्व पात्र महिलांच्या खात्यात रक्कम जमा होईल, अशी माहिती देण्यात आली आहे.
दरम्यान, लाभार्थी महिलांनी आपल्या बँक खात्याशी आधार लिंक आहे का, खाते सक्रिय आहे का, याची खात्री करून घ्यावी, असे आवाहनही करण्यात आले आहे. काही तांत्रिक अडचणी असल्यास संबंधित केंद्रावर संपर्क साधण्याचेही सांगण्यात आले आहे.
