गृहमंत्री अमित शाह मंगळवारी मुंबई दौऱ्यावर, जागावाटपाचा तिढा सुटणार?

मुंबई: आगामी लोकसभा निवडणुकीची जोरदार तयारी सुरु झाली आहे. भाजपने पहिली यादी देखील जाहीर केली आहे. तर भाजप दुसरी यादी 8 मार्चला जाहीर करणार असल्याचं म्हटलं जात आहे. त्याआधी केंद्रीय गृहमंत्री अमित शाह हे मंगळवारी 5 मार्च रोजी मुंबई दौऱ्यावर येणार आहेत. त्यामुळे शाह यांच्या दौऱ्यात लोकसभा निवडणुकीसाठीच्या जागावाटपाचा तिढा सुटणार का, याकडे सर्वांच लक्ष असणार आहे.