मुंबई : गेल्या काही दिवसांपासून मुंबईत सातत्याने आगीच्या घटना घडत आहेत. अशातच आता माहीम परिसरात भीषण आग लागल्याची धक्कादायक घटना समोर आली आहे. माहीम परिसरातील मोहित हाईट्स इमारतीच्या चौथ्या मजल्यावर आज सोमवारी पहाटेच्या सुमारास भीषण आग लागली. अग्निशमन दलाच्या गाड्या घटनास्थळी पोहोचल्या आहेत.
ही आग एवढी भीषण होती की, घरातील सर्व सामानही जळून खाक झालं. ज्या इमारतीत आग लागली तो परिसर अत्यंत दाटीवाटीचा असल्याने अग्निशमन दलाच्या जवानांना तेथे पोहोचण्यासाठी शर्थीचे प्रयत्न करावे लागले. सध्या जवानांना आग विझवण्यात यश आलं आहे.
आगीमुळे परिसरात काळ्याकुट्ट धुराचे लोट पसरले आहेत. सुदैवाने या घटनेत कोणीही जखमी झालेले नाही. मात्र यात घराचं, सामानचं बरंच नुकसान झालं असून आगीमुळे अनेक मौल्यवान वस्तू जळून खाक झाल्या आहेत.
Maharashtra: A fire broke out in the Mohit Heights building located in the Mahim area of Mumbai. The cause of the fire is not clear. Fire tenders reached the spot. Further details awaited: Mumbai Fire Brigade.
— ANI (@ANI) October 7, 2024
