मुंबई : राज्यात अपघाताचे सत्र सुरुच आहे. काल रात्रीच पुण्यातील नवले ब्रिजवर एकमेकांना वाहने धडकल्याची घटना घडली. ही घटना ताजी असतांनाच आता मुंबईतही सायन ब्रिजवर भीषण अपघाताची घटना समोर आली आहे. मुंबईच्या सायन ब्रिजवर चार वाहने एकमेकांना धडकल्याची घटना घडली आहे.
मुंबईतील सायन ब्रिजवर एका मागोमाग चार वाहने एकमेकांना धडकल्याच्या घटना घडल्या आहेत. अपघात झाल्यानंतर सायन ब्रिजवर मुंबईला जाणाऱ्या मार्गिकेवर वाहनांच्या लांबच-लांब रांगा लागल्या आहेत. सायन ब्रिजवर झालेल्या अपघातात कोणीही जखमी झालेले नाही. मात्र वाहनांचे मोठ्या प्रमाणावर नुकसान झाले आहे.
