मुंबई : एकनाथ शिंदे यांच्या शिवसेनेची तिसरी १५ उमेदवारांची यादी जाहीर करण्यात आली आहे. एकनाथ शिंदे यांच्या शिवसेनेच्या तिसऱ्या यादीत मित्रपक्षांना दोन जागा दिल्या आहेत. तर शायना एनसी यांच्या नावाचाही समावेश आहे. शिंदे गटाने सोमवारी (दि. २८) उशिरा रात्री तिसरी यादी जाहीर करण्यात आली. पहिल्या यादीत ४५ जणांना उमेदवारी जाहीर केली होती. त्यानंतर दुसऱ्या यादीत २० जणांची यादी जाहीर केली होती. तर तिसऱ्या यादीत १५ जणांना उमेदवारी दिली आहे.
या तिसऱ्या यादीत मुंबईतील दोन मतदारसंघाचा समावेश आहे. शायना एनसी यांना मुंबादेवी मतदारसंघातून उमेदवारी मिळाली आहे. तर भाजप नेते रावसाहेब दानवे यांच्या कन्या संजना जाधव यांना कन्नड विधानसभा मतदारसंघातून उमेदवारी मिळाली आहे.
शिवसेनेच्या तिसऱ्या यादीतील उमेदवार
सिंदखेडराजा- शशिकांत खेडेकर
कल्याण ग्रामीण- राजेश मोरे
घनसावंगी- हिकमत उढाण
कन्नड- संजना जाधव
भांडूप पश्चिम- अशोक पाटील
मुंबादेवी- शायना एनसी
नेवासा- विठ्ठलराव लंघे पाटील
धाराशिव- अजित पिंगळे
संगमनेर- अमोल खताळ
श्रीरामपूर- भाऊसाहेब कांबळे
गुहागर- राजेश बेंडल
करमाळा- दिग्विजय बागल
बार्शी- राजेंद्र राऊत
हातकणंगले- अशोकराव माने (जनसुराज्य पक्ष)
शिरोळ- राजेंद्र पाटील येड्रावकर (राजश्री शाहूविकास आघाडी)
