मुंबई : राष्ट्रवादी काँग्रेसचे अध्यक्ष शरद पवार आणि उद्धव ठाकरे यांच्यावर टीका करु नका, त्यांच्यावर टीका करण्याची आपली लायकी नाही. पण संजय राऊत यांच्यावर बोला, तो आपला माल आहे. मी कधीच उद्धव ठाकरेंवर टीका करत नाही. त्यांच्यावर टीका करण्याएवढा मी मोठा माणूस नाही, असं वक्तव्य शिंदे गटाचे नेते आणि मंत्री गुलाबराव पाटील यांनी केलं आहे.
नेमकं काय म्हणाले गुलाबराव पाटील?
प्रतिस्पर्धी उमेदवारावर टीका करू नका. शरद पवारांवर टीका करू नका, आपली ती लायकी नाही. पण संजय राऊत यांच्यावर बोला, तो आपला माल आहे. मी कधीच उद्धव ठाकरे यांच्यावर टीका करत नाही. त्यांच्यावर मुख्यमंत्री एकनाथ शिंदे, देवेंद्र फडणवीस बोलतील. ती माझी लायकी नाही.
शरद पवारांवर टीका करण्याएवढा मोठा माणूस मी झालेलो नाही. मी माझ्या पातळीवर असेलल्या माणसावरच टीका करतो. त्यामुळे मी कार्यकर्त्यांनाही हाच संदेश देईल. कार्यकर्त्यांनीही आपली लायकी पाहूनच बोलावे, असे आवाहन शिवसेना शिंदे गटाचे नेते गुलाबराव पाटील यांनी केले आहे.
