डोंबिवली: डोंबिवली (Dombivli) शहरातील एका नामांकित रुग्णालयातील बड्या डॉक्टरने स्वतःचे आयुष्य संपवण्याचा धक्कादायक प्रयत्न केल्याने खळबळ उडाली आहे. 10 बिअरच्या बाटल्या आणि त्यानंतर तब्बल 45 झोपेच्या गोळ्यांचे सेवन करून आत्महत्या करण्याचा प्रयत्न केला.
प्राथमिक तपासातून मिळालेली माहिती कोणत्याही चित्रपटाच्या कथानकापेक्षा कमी नाही. संबंधित डॉक्टरचे त्यांच्याच रुग्णालयातील एका नर्ससोबत प्रेमसंबंध असल्याची चर्चा आहे. डॉक्टर विवाहित असून त्यांची पत्नीदेखील वैद्यकीय व्यवसायातच कार्यरत आहेत. गेल्या काही दिवसांपासून या नर्सने डॉक्टरकडे लग्नासाठी तगादा लावला होता. दरम्यान, घरची प्रतिष्ठा, पत्नीची भीती आणि नर्सचा वाढता दबाव या त्रिकोणी संघर्षात अडकलेल्या डॉक्टरने मानसिक तणावात होते. त्यात नर्सनेही डॉक्टरशी बोलणे बंद केलं होत. त्यामुळे डॉक्टरने आत्महत्येचा प्रयत्न केल्याचे बोलले जात आहे.
दरम्यान, डॉक्टरवर उपचार सुरु असून त्यांची प्रकृती सध्या स्थिर असल्याचे बोलले जात आहे. विष्णूनगर पोलिसांनी या प्रकरणी वेगाने तपास सुरू केला असून अधिक तपास सुरु आहे.
