मुंबई : बॉलिवूडची प्रसिद्ध अभिनेत्री दीपिका पदुकोण (Deepika Padukone) आणि रणवीर सिंह (Ranveer Singh) हे बॉलीवूडचे रोमॅंटिक कपल नेहमीच चर्चेत असतात. लग्नाच्या सहा वर्षांनंतर दीपिका व रणवीर आई-बाबा होणार आहेत. दीपिका ही सध्या प्रेग्नेंट असली तरी काही चित्रपटांच्या शुंटिंगमध्ये व्यस्त आहे. रोहित शेट्टीच्या ‘सिंघम अगेन’ या चित्रपटांमध्ये ती झळकणार आहे.
सध्या या चित्रपटाच्या शुटिंगमध्ये दीपिका खूपच व्यस्त आहे. ‘सिंघम अगेन’च्या सेटवर दीपिका पहिल्यांदा बेबी बंपसह दिसली आहे. सोशल मीडियावर तिचे फोटो व्हायरल होताना दिसत आहे. या चित्रपटांमधील शुटिंगसाठी दिपीका सेटवर पोहोचली होती. त्यावेळी तिचा हा फोटो घेण्यात आला आहे. सोशल मीडियावर व्हायरल होत असलेल्या फोटोंमध्ये दीपिका पदुकोणचा बेबी बंप दिसत आहे.
‘सिंघम अगेन’ या चित्रपटांमध्ये दीपिका लेडी सिंघमच्या भुमिकेत दिसणार आहे, चित्रपटाच्या सेटवर दीपिका पोलिसांच्या गणवेशात दिसत आहे. दिपिकाचे पोलिसाच्या गणवेशातील फोटो व्हायरल होत आहेत. या चित्रपटातील साकारत असलेल्या व्यक्तीरेखेचे नाव शक्ती शेट्टी आहे. अंगावर पोलिसांचा खाकी गणवेश, डोळ्यावर गॉगल असलेला लूक दिसून येतोय.
