मुंबई: कौन्सिल फॉर द इंडियन स्कूल सर्टिफिकेट एक्झामिनेशन्स (CISCE) ने आज ICSE इयत्ता १०वीचा निकाल जाहीर केला आहे. ICSE चा इयत्ता १० वीचा एकूण निकाल ९९.०९% टक्के लागला आहे. आयसीएसई दहावीत पुन्हा एकदा मुलींनी बाजी मारली आहे. मुली उत्तीर्ण होण्याचे प्रमाण ९९.३७% असून मुलांचे ९८.८४% इतके आहे. १८ फेब्रुवारी ते २७ मार्च दरम्यान घेण्यात आलेल्या या परीक्षेत एकूण अंदाजे २.५ लाख विद्यार्थी बसले होते.
मुख्यमंत्र्यांच्या मुलीला नेमके किती गुण
महाराष्ट्राचे मुख्यमंत्री देवेंद्र फडणवीस यांची मुलगी दिविजा हिने आयसीएसई दहावीच्या परीक्षेत ९२.६०% गुण मिळवले आहेत. मुख्यमंत्र्यांच्या पत्नी अमृता फडणवीस यांनी ही बातमी सोशल मीडियावर शेअर केली आणि त्यांच्या मुलीचे अभिनंदन केले आहे.
येथे पाहा पोस्ट:
सर्वांना अक्षय तृतीयेनिमित्त हार्दिक शुभेच्छा.
आजच्या शुभमुहूर्तावर वर्षा या निवासस्थानी आम्ही छोटीशी पूजा संपन्न करीत गृहप्रवेश केला.
आजच्या दिवशीची आणखी एक अत्यंत आनंदाची बातमी आपल्या सर्वांना सांगताना मन खुशीने भरून गेलंय, आमची सुकन्या दिविजा ही १०वी च्या बोर्ड परीक्षेत ९२.६०… pic.twitter.com/l03aLKE2Ak— AMRUTA FADNAVIS (@fadnavis_amruta) April 30, 2025
अक्षय तृतीयेनिमित्त वर्षा या निवासस्थानी पूजा करत गृहप्रवेश केल्याची माहिती देऊन आणखी एक अत्यंत आनंदाची बातमी घडल्याचे त्यांनी सांगितले. आणि त्यांनी लेकीच्या घवघवीत यशाबद्दल आनंद व्यक्त केला आहे.
