मुंबई : बदलापूर येथील एका शाळेत दोन अल्पवयीन मुलींवरील लैंगिक अत्याचार केल्याप्रकरणी आरोपी अक्षय शिंदे याला अटक करण्यात आली होती. या प्रकरणावरून संपूर्ण महाराष्ट्र पेटून उठला होता. तसेच राजकीय वातावरण देखील तापले होते. याचदरम्यान, अक्षय शिंदेचा एन्काऊंटर करण्यात आला होता. अक्षयच्या एन्काऊंटर नंतर मात्र, पोलिसांवर अनेक प्रश्न उपस्थित करण्यात आले होते. त्यानंतर संबंधित पोलिसांवर एफआय दाखल करण्याचे देखील मुंबई उच्च न्यायालयने आदेश दिले होते.
याच प्रकाराबाबत आता मोठी अपडेट समोर आली असून, पोलिसांनी स्वरक्षणसाठी अक्षय शिंदेचा एन्काऊंटर केल्याचा दावा न्या. दिलीप भोसलेंच्या न्यायालयीन आयोगाने मान्य केला आहे. याप्रकरणी पोलिसांना आता क्लीन चिट देण्यात आली आहे. मात्र, आरोपीला व्हॅनमधून नेण्याच्या प्रक्रियेवर आयोगाने काही प्रश्न उपस्थित केले आहेत. दरम्यान, राज्य मानवधिकार आयोगाकडून पोलिसांना यापूर्वीच क्लीन चीट मिळाली आहे.
संपूर्ण प्रकरण काय आहे?
ठाणे जिल्ह्यातील बदलापूर येथील एका शाळेत दोन अल्पवयीन मुलींवर अत्याचार झाल्याची घटना घडली होती. या शाळेती सफाई क्रमाचारी अक्षय शिंदे हा या प्रकरणातील मुख्य आरोपी होता. दरम्यान, 23 सप्टेंबर 2024 रोजी अक्षय शिंदे याला तळोजा तुरुंगात घेऊन जात असताना मधेच पोलीस चकमकीत अक्षय शिंदेचा मृत्यू झाला होता. यानंतर हा एन्काउंटर फेक असल्याचा आरोप पोलिसांवर करण्यात आला होता. या प्रकरणाचा तपास एसआयटी स्थापन करून करण्यात आला होता. त्यानंतर मुंबई उच्च न्यायालयाने या प्रकरणातील जबाबदार पोलिस अधिकाऱ्यांविरोधात गुन्हा दाखल करण्याचे आदेश दिले होते. अशातच आता पोलिसांना क्लिन चीट देण्यात आली असून, पोलिसांना दिलासा मिळाला आहे
