मुंबई : मुंबईतून एक सर्वात मोठी बातमी समोर आली आहे. अजित पवार गटाचे नेते बाबा सिद्धिकी यांच्यावर गोळीबार झाल्याची घटना घडली आहे. मुंबईतील वांद्रे पूर्व परिसरातील खेरनगर येथील राम मंदिर येथे ही घटना घडली आहे. या घटनेने परिसरात मोठी खळबळ उडाली आहे. तीन ते चार तरुणांनी गोळीबार केल्याची प्राथमिक माहिती मिळत आहे. बाबा सिद्धिकी यांच्यावर नेमकं कोणी आणि का गोळीबार केला, याची माहिती अद्याप समोर आली नाही.
दरम्यान, या गोळीबारात बाबा सिद्धिकी गंभीर जखमी झाले आहेत. जखमी बाबा सिद्धिकी यांना पुढील उपचारासाठी लिलावती रुग्णालयात दाखल करण्यात आलं आहे. बाबा सिद्धिकी यांची प्रकृती चिंताजनक असल्याचं सांगण्यात येत आहे.
