मुंबई : लोकसभा निवडणुकांच्या पार्श्वभूमीवर सर्वच पक्षांची जोरदार तयारी सुरु आहे. महायुतीत लोकसभेच्या नऊ जागांसाठी अजित पवार गट आग्रही असल्याची माहित समोर आली आहे. राष्ट्रवादीकडील चार जागांव्यतिरिक्त आणखी पाच जागांची घटक पक्षांकडे मागणी केली आहे. अजित पवार गटातील संभाव्य उमेदवारांना मतदारसंघात चाचपणी करण्याच्या सूचना दिल्या आहेत. राष्ट्रवादीकडील चार जागां व्यतिरिक्त आणखी पाच जागांची घटक पक्षांकडे मागणी केल्याची माहिती आहे. (Ajit Pawar)
सध्या राष्ट्रवादीकडे लोकसभेच्या बारामती, सातारा, रायगड, शिरूर या चार जागा आहेत. या जागा सोडून अजित पवार गट धाराशिव, परभणी, दक्षिण मुंबई, भंडारा गोंदिया, छत्रपती संभाजीनगर या पाच जागांच्या मागणीसाठी आग्रही आहे. रायगडचा पुढचा खासदार भाजपचाच असेल, असे भाजपचे प्रदेशाध्यक्ष चंद्रशेखर बावनकुळे यांनी जाहीर केले होते. महायुतीला बाजूला ठेवून रायगडमधून धैर्यशील पाटील लोकसभा निवडणूक लढवण्याचे चंद्रशेखर बावनकुळे यांनी संकेत दिल्यामुळे राष्ट्रवादी काँग्रेस अजित पवार गटात अस्वस्थता निर्माण झाली असून आता राष्ट्रवादीकडील चार जागांव्यतिरिक्त आणखी पाच जागांसाठी आग्रही असल्याची माहिती सूत्रांनी दिली आहे. (Loksabha Election)
संभाव्य उमेदवारांची नावांची यादी खालीलप्रमाणे
- बारामती – सुनेत्रा पवार
- सातारा – रामराजे नाईक निंबाळकर
- रायगड – सुनिल तटकरे
- शिरूर – शिवाजीराव आढळराव पाटील
- दक्षिण मुंबई – काँग्रेसमधील बडा चेहरा
- परभणी- राजेश विटेकर
- भंडारा गोंदिया – प्रफुल्ल पटेल
- धाराशिव – राणा जगजितसिंह
- छत्रपती संभाजीनगर – सतीश चव्हाण
