मुंबई : ग्लोबल स्टार म्हणून ओळख असलेली अभिनेत्री प्रियांका चोप्राचे (Priyanka Chopra) अनेक सिनेमे आहेत. सध्या प्रियांका हॉलिवूडपट ‘हेड्स ऑफ स्टेट’च्या (Heads of State) शूटिंगच्या कामात व्यस्त आहे. या शूटिंग दरम्यान तिचा अपघात झाला असल्याचे समोर आले आहे.
प्रियांका सोशल मीडियावर नेहमी अॅक्टिव्ह असते. तिच्या आयुष्यातील ब-याच गोष्टी ती चाहत्यांसोबत शेअर करते. तिने तिला झालेल्या दुखापतीची माहिती सोशल मीडियावर सांगितली आहे, यामध्ये तिच्या चेह-यावर दुखापत झाल्याचे दिसून आले आहे. चित्रपटातील स्टंट दरम्यान ही दुखापत झाली असावी असे सांगितले जात आहे.
शेअर केलेल्या फोटोमध्ये प्रियांकाच्या चेह-याच्या उजव्या बाजूला आणि कपाळावर रक्त असल्याचे दिसून येत आहे. ‘हेड्स ऑफ स्टेट’ हा ॲक्शन चित्रपट असल्यामुळे प्रियांका ही खतरनाक ॲक्शन सीन्स आणि स्टंट करताना यात दिसणार आहे.
