मुंबई : भारताच्या हृदयस्थानातून येऊन लक्षावधी लोकांच्या थेट हृदयात स्थान मिळवणारा, अत्यंत लोकप्रिय कॉमेडीयन, कवी, अभिनेता, लेखक आणि निर्माता झाकिर खान सोनी एन्टरटेन्मेंट टेलिव्हिजनवरील ‘आपका अपना झाकिर’ या शोमध्ये होस्ट या नात्याने टेलिव्हिजनवर पदार्पण करत आहे. टॉक शोचा अनुभव अधिक रंजक करत, हा हलका-फुलका शो दैनंदिन अनुभवांचे विनोदी ढंगाने सादरीकरण करून ‘खुशियों की गॅरंटी’ आणि ‘मनोरंजन का वादा’ करत आहे.
प्रत्येक एपिसोडमध्ये खास झाकिर शैलीचे स्टोरीटेलिंग असेल आणि सेलिब्रिटीजच्या मुलाखती, प्रेक्षकांशी संवाद आणि स्टँड-अपसारखे सेगमेन्ट असतील. जीवनातील चढ-उतारांकडे बघण्याच्या त्याच्या अनोख्या दृष्टीकोनामुळे त्याने सांगितलेल्या प्रापंचिक गोष्टी देखील लक्षणीयरित्या विनोदी वाटू लागतील. हे कथाकथन करताना सल्ला आणि सहानुभूती यांचे समप्रमाण राखणे हे त्याचे कसब आहे. भारताचा हा ‘सख्त लौंडा’ तुम्हाला हास्य-विनोद आणि खऱ्याखुऱ्या गोष्टींच्या सफरीवर घेऊन जाणार आहे. त्याच्या विशेष दृष्टीकोनामुळे तो सर्वांना खरोखरच ‘आपका अपना’ वाटला, तर त्यात काहीच नवल नाही.
ओन्ली मच लाऊडर आणि सख्त फिल्म्सद्वारा निर्मित, को-प्रेझेंटेड बाय वॉक्सवॅगन इंडिया आणि को-पावर्ड बाय स्मिथ अँड जोन्स जिंजर
गार्लिक पेस्ट, ‘आपका अपना झाकिर’ हा शो सुरू होत आहे. 10 ऑगस्ट रोजी आणि दर शनिवारी-रविवारी रात्री 9:30 वाजता फक्त सोनी एन्टरटेन्मेंट टेलिव्हिजनवरून प्रसारित करण्यात येणार आहे.
